Apostolo 15:28-41

²⁸A Hanu Kiripiripi i masia i kamumu, mia ranga mi masia i kamumu nahea mi gi vakapae mua. Mu muri mai kunanea a ngava iea:

²⁹Naha ni kani a maki ni kani ni habi na nitamina vure. Naha ni kani, naha ni ninu a dara. Naha ni kani a kania ni hori a lohona i mate. Naha ni mole. Mu lele rau vona maka naro hale nga, bara mu made kamumu kunana. A ngava ne mia i pali.”

³⁰Ni here lobo a raukea iea, lakea ri rudu e huriki nga ri gi lakea o Antiok. Na tahuna ri bele vonga ri gale palupu e huriki a tara ne Kristo, ri habia ne ria a raukea.

³¹Na tahuna ri gia, ri vivi vona a maka ngava kamumu i vakatora a niluhoi ne ria.

³²E Iudas e Sailas, rua a propet. Ru vakatora a niluhoi ne ria na ngava.

³³Ru made na parava ranga vonga, muri e huriki a kabukabu ri talo mule rua na nivalemu, ta ru gu hamule puru o Ierusalem ne huriki ri rudu valai rua.

³⁵Pali e Paulus e Barnabas ru made mule vonga o Antiok. Ru tovo, ru vara e huriki na ngava ne Bakovi Dagi. I uka ma i rua kunana ru tovo. I tahoka e huriki a bakovi ranga ri totovo.

³⁶Muri na parava ranga, e Paulus i takia e Barnabas, “Tu gu hamule tabu na maka tanga tu vara muga a nita ne Bakovi Dagi vona, tu gu kasisi e huriki, ri made navai.”

³⁷E Barnabas i ngarua e Ioanes-Markus ge tou,

³⁸pali e Paulus i koi vona, a vuhuna i ha taro rua o Pampilia, i uka ma i leho turane rua.

³⁹Ru vahehe hateka, lakea ru vapida. E Barnabas i tulia e Markus, ru rike na aga, ru lakea na bodu e Saiprus.

⁴⁰Pali e Paulus i vulakia e Sailas ru gu laho palupu. E huriki a kabukabu ri habi rua na limane Bakovi Dagi ge rata kamumu rua, ru vano.

⁴¹Ru vano ru laho lae na robo e Siria, e Silisia, ru vakatora a niluhoi ne huriki a tara ne Kristo ri made vonga.