Apostolo 14:22-25

²²Ru pagòo tèpa cèikî, ba na rà cimwü naa na cèikî kàra naa goo wà Pwi Ukai. Â ru ina tàra pâ: «Jè wâro na ê pâ picâri, na jè pâra wii ê naigé pâ naa na ê *Mwaciri kà Pwiduée.»

²³Ru pitòrigari wà pàra tèpa âboro, ba na rà tèpa pitûâ naa na jèpa wâra pwapwicîri. Â ru ipwanya—ru panuâ ê ija na jè pàara, ba na ru pwapwicîri kàra bwàti.

²⁴Â nabwé, â ru picijiirà â ru tapàgà boo Pisidie, â ru tèepaa naa na province Pamphylie.

²⁵Â ru picémara ê popai kà Pwiduée naa na du ville wê—naa Perge, ma Attalie.