22Aiquero ijatatiini iquemisantasanotacairi quemisantatsiri. Icantasanotiri: —Eiro pojoquirotsi oca piquemisantaqueri. Oshequi anquematsicataquearo paitaricapee, irosatiquea ajatantanaqueari anta ipincatsaritinta Tasorentsi; iro cantaincha eiro ashemarotsi.
23Jaocarica anta yapatotapinijeitari quemisantatsiri, icoyeaqueneri jivatacaajeiterineri. Impoiji iquenquetsatacaajeitiri Tasorentsi, aisati itijeita. Impoiji aisati icantajeitiri Avincatsarite: —Jerica quemisantajeitimpiri. Pojocacoventajeiteri.
24Ari iquenanaque Pishiriaqui, irosati yareetantanaca Pampiriaqui.
25Icamantantiro irineane Tasorentsi anta Perejequi, irosati yovaatanaja anta Atarayaqui.