Aposotolo Adi Hewau 5:3-10

³Petero i ene, “Anania e, ie saha Satani nuam i hemonau, eo Earua Tabuna u borai oea maisana wa tupona u nuahi?

⁴Nabada wa oea enam otaotana e nige’e? U uneunei, maisana hinage oabom enam e nige’e? ue saha em nuatu doha ina ta? Tatao nige u boraidi, na Eaubada mo u borai.”

⁵Anania teina riba ta i ataiei ia abo i guridobi, i niusigabaei ie mate: isi gamagaridi wasana se ataiei se matausi ariri.

⁶Hewari headi se torohai, ia tauna se umui, se bahelaei, se tore.

⁷Abotai mahana haiona murina eai, monena i lulagema; wau wasa sora nige i ataiei.

⁸Petero i ribalau ia arinai, i ene, “Enagu u ribama oea au uneunei wa maisana ede ina?” Ia abo i ene, “E, iaede.”

⁹Petero i ribalau ia arinai i ene, “Taumi labui aue saha au oiriba bena Guiau Earuana au nohoi? Isi monem tautorena dobila eai se totoro, oa hinage abo se bahelaem murimuri eai.”

¹⁰Ma esega abo i guri dobi Petero aena eai, ie tubahai: hewari wa se laoma, se ita i mateo, to se bahelaei, monena hasarina eai se tore.