Aposotolo Adi Hewau 24:14-20

¹⁴Na teina mo ea riba hemasaraha arim eai, wau Dobila wa si ene i ponori, arinai eau tamamaiyao edi Eaubada ea aiaihelahui, eo riba gamagaridi se uridi laugagaeo ribadi eo peroveta ribadi ea ataiwataidi,

¹⁵Eaubada ea sunusunumaei, doha hinage isi se abiwatai, ea ene taumatemate gamagamagari mate eai abo se hetorouioidi, laulau‐dudurai tataodi eo laulau‐baaea tataodi hinage.

¹⁶Arinai egu aipate adidiri ede ina, bena huia gamagamagari Eaubada arinai eo tatao aridi eai hinage, egu nuatu abaheduduraina nauboeagu eai taba nige i hegirugu.

¹⁷Na borimai gamagari se lauo, arinai ea uioma egu basileia arinai, tatao edi ainauia ea leama, egu eanua tataodi enadi.

¹⁸Teina ea ginaginauri arinai isi se lobaigu numa tabuna alona eai, se heaaguo maeguyao Iudea headi Asia eai se laoma, ai nige ai gamagari, eo nige ai hetalagegagega.

¹⁹Tatao me bena se hegirugu se saha nige se laoma inai oa matam eai?

²⁰Ina tatao ta sunederi matadi eai mo se itagu ea totoro, hage se ribaei egu baaea saha se ita,