Aposolo 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Kema ayeso haya kemoa hano hutegeno Poloa Yisasina amakua amitafa humainaya veafe ke higeya agaite ageno tokiyaage huya maisaya amaku amakesa alino hapaiteno hu falu fala humateteno amataleno Masetonia haigahe haimaine.

²Ani kotega vai neayeno mukia kanafina tokiyaage huya maisaya kea hamapaiteno Kaliki kotega elavi-maine.

³Elavino tagufa (3) ika emaiteno Silia eugahe “Tipi kale alisue.” huno hiana Yuta vayamoya agaila haesaya kema haya kea hageno haviteno agesa aiyahae huno tipi kalea neataleno “Etena mopafi Masetonia kotega agasena haigahue.” huno humaine.

⁴Agaienema tokaeya haiya vayala Pilusi nafanemo agia Sopatae Pelia kumate kanoene Tesalonaikati Alisatakusiagi Sekutasigani Tepi kumateti kanoa Kaiyusiene Timotiene Esia kanolatana Tikikusigani Talofimusiganie naa vayayaga Poloene hai-mainae.

⁵Ani vayayaga euhagoteya Taloasi kumate tagava maigahe eumainae.

⁶Euya mainageta tagaya Filipai maineta hale oki kaihame nenaya imu kiya naya kanamoa hano hutegeta tipi kalefi haisaga humaita faefua (5) tau faeta tina lakaeta amakaitega Taloasi euvayi huta sevenia (7) yupa ani kumatela mainone.

⁷Sota yupa Anumayamo agile kave negahe alitalu humainonageno Poloa egama visia yafe huhaleno mono kea tahapaino hume hume nevigeno kege amunokefa maino humaine.

⁸Mainoma hiana anafi kikalo humalenaya nopi maunanagino kasagoya kaniyaga ayevasa humalageta mainone.

⁹Mainonageno nago neyana Yutikusie akalogate mopale mainegeno Poloa mono kea ayaayate maino hume hume vigeno Yutikusina aukalo kalo higeno aula faeno fae latapalino fae-mainefiti anale tagufa (3) ayekalo huya kimalenaya nopitilagino ani akalogapiti asaga hulavino mopafi tavino haegeno faligeya molisaga huya agayana ago fali-maine.

¹⁰Fali-mainegeno Poloenena lavino mo anu-kilineno mage hie “Atali talua ohiho. Ago fali-maineanagi eteno haimula nealie.” huno humaine.

¹¹Huteno ani nopinaga eteno haino maineno kaihame maya kolino higeya nenageno ani kavela neteno ayaaya mono ke amakaiene huge huge nehigeno kola ali halegeno neamataleno umaine.

¹²Vigeno ani neyana eteno haegafa huno maigeya avaleya notega neuya tusia muse nehuya amaipamoa kanale humaine.

¹³Tagaya uhagoteta tipi kale alitonageno Poloa “Mopafi Asosi utesugetama anileti tipi kalefina navalegahae.” huno higeta tipi kalefi Asosi mogava mainone.

¹⁴Asosi agava maineta Polona avaleta tipi kalefi asaga humaita Mitilini kumate umainone.

¹⁵Uteta anileti tipi kalefi mo faeteta Kiosi kumate uvayi huta ani lipi kalefi faeteta Samosi mo faeteta Miletusi evayi humainone.

¹⁶Poloa “Afulea kanahe muse hisaya imu kisaya kana Yelusalemu evayi hisuafene.” huno ayaaya kana Esia kotega omaisia agesa haviteno “Efesusia ago agasena ugahue.” huno humaine.

¹⁷Poloa Miletusiti vaya humateno “Efesusi utama soka vayafe nagaitega esaya ke hamapaiho.” huno higeya uya mo hamapaigeya agaitega ageno mage huno hamapaiye tamakaya ago agemainae nagaya hagotena Esia kotega evayima humainoa kanafina aepa hena humainoa kavala ago agemainae.

¹⁹Naugafa alina ohainogi Anumayamo aliya nealugeya Yuta vayamoya mukia kanafina hu-haviya hunatagena tusia avite-mainoe.

²⁰Avia atoanagi atalia ohuna mukia lamaku tamamema ali lokiya vaisaya kea atalutamifiene notamifi notamifiene Anumaya Koti kea huhalena tamahapai-mainoe.

²¹Tamahapaina Yuta veanene Kaliki vayanenefe “Kefo yatamihe tamakua aiyahae hutama Anumayatimona Yisasife havitama lamakupi maletama tametiti hiho.” huna huhalena tamaha-pai-mainoe.

²²Tamahapai-mainogi menia agegeho Alu Aotage Avamumoa “Yelusalemu haiyo.” huno nahapaiyanagina anilega visugeyama vayamoya hunatesaya kavala nagaya ohavinoe.

²³Ohavinogi mukiama umainoa kumatela Alu Aotage Avamumoa mage huno nahapai-maine “Tusia kanaage yama hugatesaya yana falote hugateno nofipina kategahae.” huno nahapai-maine.

²⁴Nahapai-maineanagi nagaya falisufi afaa maisufi afa yatafa hane huna nagesa nehavugi Anumayatimoa Yisasi naminea aliyama, veafe Anumaya Kotia tusia kayone hulatenea kanale mono kea huhalena hamapaisua aliyana ali hano hisua nagesa nehavue.

²⁵Tamakai amunopina vaiyatete huna Anumaya Koti kava yagai-lamatesia kea tamahanepauvanagina menia lamahanepaugi haviho nagaya havimainoe haenagaa nagaila naukipalela nagoene onagegahae.

²⁶Ani yafe menia tamagelafa huna tamahanepauve nagaya kolia ohuna mukia Anumaya Koti agu agesafima hanea kea ago tamahapai-mainoafe nago kanomoga Anumaya Kotitegati fananema hisanana tamakaitami yane. Ani kemoa nagaipina omegahie.

²⁸Omegahigi tamakaya tamaugafa kayetama maiho. Alu Aotage Avamumoa “Kava yagai-mateho.” huno lamaminea vayala, Anumayamoa agaia kolamaaleti miya humalenea sipi sipilelela kava yagaiho.

²⁹Nagaya nehavue tamatalenama visuana nagoa vayala, kaveage afela kalamo nehia kava huya tamakai amunopi esayaamoya Yisasife haviya amakupi malenaya sipi sipiyaga ali haviya hugahae.

³⁰Ali haviya hugahagi tamakai amunopitila nagoa vayamoya hetiya havigea mohu haviya mehu haviya nehuya Yisasife haviya amakupi malenaya veala “Tagai takave eho.” huya amavayu hugahae.

³¹Ani kavama hisaya yafena kayeho. Nagaya tagufa (3) kafufina felugaene kegeene kasalonahae huna maifalua ohunoe. Avia neatena mukiamogatamina tamaku tamakesa nagoke nagokemogatamina tamaumonola malogetama havimainagi ani yafe tamakesa ali hao hutama haviho.

³²Menia Anumaya Koti ayapi tamatogeno agaia kayone hulamatesia keamoa tamakaila alino tokiyaage hulamateteno mukia agaia alu aotage veaneamogamima neamatea kanale yana tamamigahie.

³³Nagaya nagoa vayamogatama mone afenotamileene kukenatamileene agena nahayea nohuane.

³⁴Tamakaitamia agayana nayapiti aliyana alina nesua yaene nagaienema lokaeya nemaiya vayamoya nesaya yaene ali falote hugetama age-mainae.

³⁵Naa nehuna mukia yana tamavelina mage huna humainoe “Aliya alitetama kalima nealiya vayala amaya hiho.” Anumayatimoa Yisasi humainea kea mage humaine “Veamoya nago yama alisayana muse hugahagi afuaganana nago yana amisiana tusiya huno musena hugahie. Aminea yamo muse yamoa ali-mainea muse yana agase-maine.” huno humainea kea tamakesa havi havi hutama maiho huno humaine.

³⁶Mani kea huteno soka vayaene Poloa aleya ayeno Anumayamotega ke huno havige-maine.

³⁷Havigetegeya mukia soka vayamoya tusia avi neateya Polona anukiya atako ataka nehuya haenagaama agai aukipalema nagoene oagesaya yafe hamaumana halegeya avia ateteya tipi kale hanelega avaleya umainae.