Aposol 8:5-10

⁵Filipi'a, Sameria rankumate viazamo, Kraisinku zamagrite huama ome hu'ne.

⁶Filipi'ma hia nanekema tusi'a vahe'mo'za nentahiza, avame'zama hiazante'ma nege'za nentahiza, magoke antahintahire mika vahe krerafamo'za zamagesa ante'za antahi'naze.

⁷Na'ankure havi avamu'tamima zamagu'afima mani'naza vahe'pintira, havi avamutmimo'a tusi'a kezati'za krafa nehu'za atirami'naze. Hagi mika zamufa fri'nea vahe'ene, kama vano nosaza vahera kri zamimo'a knare huzmante'ne.

⁸Higeno ana rankumapina tusi'a museza fore hu'ne.

⁹Ana rankumatera, Saimoni'e nehaza ne'mo, afa' vahe'mofo avu'ava'za eri fore huvava nehia nera mani'neakino, Sameria vahera huzamerige'za tusi'a zamagogogu nehu'za antri nehageno, agra ra ne' mani'noe huno hu'ne.

¹⁰Ositetima vuno rante'ma vu'nea vahe'mo'za, ke'ankere'za nege'za ana mika vahe'mo'za agri ke nentahi'za anage hu'naze, Ama nera, Ra Anumzamofo hanavegino, tusi'a hanave hu'za hu'naze.