Aposol 10:2-23

²megi'a nagapinti monoku agesa nentahino, noma'afi nemaniza naga'ane, Anumzamofo kore hunenteno, zamunte omane vahera ne'zane, kukena muse huno nezamino, Anumzantega nunamuna huvava nehia nere.

³Mago kinaga ferura 3 kilokinaza higeno, agra kefatgo huno ava'nagna'za kegeno, Anumzamofo ankeromo efreno anage hu'ne, Koniliasio! higeno,

⁴tusi kore huno uruha negeno anage hu'ne, Ramoka, na'ahie. Higeno agra anage huno asami'ne, nunamu ka'ane, zamunte omane vahe'ma zamaza nehana kavukvara Anumzamo'a ko antahino keno hu'ne.

⁵Menina mago'a vahera huzamantege'za Saimoni'e nehu'za, mago agi'a Pita'e hu'za nehaza netega Jopa vu'za ome kehinkeno eno.

⁶Mago nera Saimoni'e hu'za nehaza nera, afu akruteti hanave'za tro nehia ne'mo, hageri ankenare noma'a me'nefi anampi Pita'a mani'ne.

⁷Kema humia ankeroma atreno vigeno, agrite eri'za erinenta'a netre'ne, mago sondia ne'mo monoku agesa antahintahi nehuno agri tvaonte nemni'a ne' ene kehige'za e'naze.

⁸Mika kema zamasmiteno huzmantege'za, Jopa vu'naze.

⁹Anante kna zupa kantega vu'za ranku'ma tvaonte'ma vzageno'a zgemo'ma feru asegeno, Pita'a no agofetu nunamu hunaku mareri'ne.

¹⁰Huteno aga'zamo higeno ne'za nenaku nehige'za ne'zama retroma nehazageno'a, avu evuevu higeno nemaseno ava'na keankna huno,

¹¹kegeno monamo'a hagaro higeno, mago'zana, tusi'a tavarave'gnaza 4'a atupare atupare azerino mopafi atrageno erami'ne.

¹²Anampina ruzahu ruzahu 4'a agazane zgarmi'ne, ama mopafi zge havu nehia zgane, zahopi hareno vono nehia nama zgagi hu'za mani'naze.

¹³Anama higeno'a mago ageru'mo agrite eno Pitaga, otinka ahenka no!

¹⁴Anage hianagi Pita'a huno i'o Ramoka, na'ankure nagra magore hu'na onetfa hu'noe. Vahe'mo'zama nonaza kfane, avusese osuno ruotage osu'nea zgagfa onegahue.

¹⁵Higeno mago'ene eteno ana ageru'mo agrite eno, ina kna'zama Anumzamo'ma azeri avusese hu'nesia zankura, avusese osu'ne hunka osuo.

¹⁶Anahu'zana 3'a zupa fore hutegeno, anazana ame huno erino monafinka mreri'ne.

¹⁷Pita'a agu'afi nentahino, nazafore hige'na koeha huno agesa omeantahi emeantahi nehigeno, Koniliasi'ma huzmantege'za aza nagamo'za Saimoni nonku zamantahigeke hu'za, kegina kafante eme oti'ne'za,

¹⁸kezati'za Saimoniku mago'agi'a Pita'ema hu'za nehaza agine nera amifina mani'neo hu'za zamantahige'naze.

¹⁹Ava'na kna'zama ke'nea zanku Pita'a agesa nentahigeno, Avamu'mo asami'no, Ko, 3'a nagamo'za kagriku nehakaze.

²⁰Hianagi kagesa ontahinka otinka uraminka zamagrane vuo, na'ankure Nagra hu'zmantoge'za e'naze.

²¹Pita'a ana nagate uramino anage huno zamasmi'ne, antahiho, ama nagritfanku nehakraze, nagafare tamagra e'naze?

²²Hige'za zamagra anage hu'naze, mago sondia vahe kva nera, Koniliasi'e megi'a ne'mo fatgo huno Anumzamofonku kore nehia nekino, mika Jiu vahe krerafamo knare nere hu'za nehaza ne'mofo Ruotge hu'nea ankeromo asamigeno, kagriku noniarega eno keaga eme nasminkena antahineno huno hurantegeta e'none.

²³Higeno Pita'a zamarenompi zamantege'za masete'za, ko ati'geno otino zamagrane nevige'za Jopatira ruga'a zamentinti nehaza afuhe'za agrane vu'naze.