Aposel 2:42-47

⁴²Eme iri badeh, aso-ok labai ta a-en hamon ta leheya toro aposel ma atukum ta atudun hawe abo-os jabi ramen ma asolom.

⁴³Iri mwan ma badih badeh, anyolom kalem hawe lahou tinan solo-an labai Kindrei amekes udu mine iri aposel, eme boho iri asak ta lahou iri aposel amekes, ma iri anoh.

⁴⁴Eme ya bolo iri mari badeh, ndrine iri i se, ya iri anyohan lakou i tiri ari ari.

⁴⁵Eme iri adeu lakou tiri hawe adeu nyamon tiri i ta sisih ma hawe anyohan iri lau lakou bwe.

⁴⁶Ma len mari badeh, iri atukum ala bolo asiu tinan ta Kindrei. Ma iri badeh, ado kon tiri abo-os jabi ramen ma aimon amunum le ma sekesek,

⁴⁷ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.