Apostolo 2:42-47

⁴²Na parava lobo e huriki a tara ne Kristo ri vapopo, ri habi a hatene ria ni vasileki, ni kani palupu, ni longo a nitovo ne huriki a apostolo.

⁴³A Vure i rata a nivakasiri i kupo na limane huriki a apostolo, i rata e huriki ri togoa a Vure.

⁴⁴E huriki a bakovi a ngatavine ri ramai e Isu ri made palupu, ri vaveru a maki lobo ne ria.

⁴⁵Ri habi a maka mahala ne ria ni kona. E rei a viri ne ria i bala a moni, ri habi vona a moni i ngarua.

⁴⁶Na parava lobo ri vapopo na roho na Vure, ri kani palupu na ruma ne ria. Ri vivi na maki ni kani a Vure i habi ne ria, ri vaveru.

⁴⁷Ri kavurikea a Vure. E huriki a bakovi a ngatavine polovavo ri ngaru ria. Na parava lobo e Bakovi Dagi i korimule tabu e huriki a bakovi a ngatavine ranga. Lakea ri dili turana e huriki na tara na Vure.