Aposel 22:3-8

³“Iau a te Juda, di usus iau tong o Tasus una papor Silisia. A barman taru ut nin o Jerusalem, ma iau a nat na ususer anun o Gamaliel, ma i ususer wakak iau una Warkurai anun a kum tumtubun dat tagun numugu, ma a papam dekdek torom o God lenutri mot pami.

⁴A ban laulau a taro ra det mur a Kisapi anun a Labino. A um doko a ramano taro, ma a ramano taro kai a dat pas det, a kum musano ma a wardain utkai, ra a uruk tar det una karabus.

⁵A mugumugu na tene etabor torom o God ma a taro na kiwung rop det talapor una kum utna ri, ma det pet lar pasi sur det in wasiso uni. A los pas a kum pas gusun det ra det tumusi torom a kum tistisin det a kum te Juda tong o Damaskus. Ra a wan utong sur an ker pas a taro ra det mur a Kisapi anun a Labino, ma an ben det usapat o Jerusalem sur din ukadik det.

⁶“Ra a wan milau nanan o Damaskus, una labino suan, a labino talapor tagisapat una langit i wanpat kisin ma i sisio talilis pas iau.

⁷Ma a puku pirso una piso, ra a longoro in nalngan ara i watungi tang lena, ‘Sol, Sol, sur asau ra u ser ban laulau iau?’

⁸Ma a tingi lena, ‘Labino, osi ui?’ Ma i balu iau lena, ‘Iau o Iesu, a te Nasaret, ra u ser ban laulau iau.’