Aposel 15:33-41

³³Ra der sa kis suano pasi tiro iai, det ra det tar tistisino una nurnur, det tulu melet ru der nama malmal, sur der in milet melet usapat o Jerusalem torom det ra det tulu tar der.

³⁵Ikut o Pol ma o Banabas der kis kut tong o Antiok. Der tomo nama susut na taro, det ususer a taro ma det warawai nama wasiso anun a Labino.

³⁶A ramano kum bung numur, o Pol i watungi tan o Banabas lena, “Dar in milet melet sur a kum tamon rop, ra dar sa warawai taru uni torom det nama wasiso anun a Labino, sur dar in tama a kum tistisin dar, ra det pepetlai mo.”

³⁷Ra o Banabas i nemi sur der in ben melet pas o Jon, ara risano kai o Mak.

³⁸Ikut o Pol i nuki lena, ke wakak sur der in ben melet pasi, uni i wan pas kut gusun der utong o Pampilia, ma ke mur der tuk ra a pinapam i rop.

³⁹Der engaras pas, ra numur der wan susuaro. O Banabas i ben pas o Mak, ra der kas una sip utong o Saipras.

⁴⁰Ra o Pol i pilok pas o Sailas, sur der in nan tomo. Ma a kum tistisin der una nurnur, det pitar tar der una marmaris anun a Labino.

⁴¹Ra der wan tuptupukus epotor una papor Siria ma una papor Silisia, ma der udekdek a taro na lotu una kum tamon.