Acts 8:15-21

¹⁵Eto pambuto embomeni nei Bada Iesu ta javo ta bapataito ea

¹⁶rate Ahihi Otohu umbae avo kito Ahihi Otohu na enana ta jo ta beaja

¹⁷Peter te John te na pari ue enana ta hamo ta ingeni tembeo Ahihi Otohu umbua.

¹⁸Avo Apostel na ingeni hamo ta tembeo Ahihi Otohu umbua avo Simon na kito koro na umbasi

¹⁹ke einge ena, “Eto ari avo nau degi ta ikevu eto na nau ingeni na embo ta hamo ta tembano Ahihi Otohu umbare” ainge enu

²⁰Peter na ke mine einge ena, “Umo God ta hande koro na umbasi hotembitea avo no koro ga sari ejo

²¹eto God ta titi ta no jo amo javotoho mane ra avo eto ari emo no mane asuja.