15Junni Pédrobe Juanbe Samáriaca patito, Jesucrístobe penenaminlachi tenchi Diosibe rocailainue. Diosibe rocaito, nuchi Tencaca inlachibi erede! tilatinue yape yalachibi wito chusa.
16Aman Diosichi Tenca yalachibi cawica itominue. Jesuchi icayoe titori mumunhica jominlanue.
17Junnan Pédrobe Juanbe Jesuchi tsachilaca tedechi tale quilaquinue. Junni tsanquinan Diosichi Tenca yalachibi winue.
18Aman Simonni junca jera quirato miito, aman Crístochi mantá tanlabe itsantinue:
19—Lachinan tsanque mantá cuwade! tinue yape lanan mocatiya tedechi tale quinan Diosichi Tenca ya tsachichibi wisa. La cala cuwanae tinue.
20Pedro mantimini ya Simonbe beconan manpato, itsantinue: —Nu nuchi calabe yucapiyade! tinue. Diosi epe cuwanacaca calachi cantsan joeque tenca canun tenchi padeseichunae tinue.
21Nuri natiya Diosichi tenchi titiya pequimin itoe tinue. Nu Diosibe seque nenatumin joe; epele tenca cato nenamin joe.
Mantá Tanla 8
Mantá Tanla 8:15-21