Acts 2:2-36

²Maratagogi gugura ḡaeḡaena, nonorana me ive vivirewapanana marei i ḡairai ma tauvitumaḡana i mamae numana i vioai.

³Taui purapura inanana me ai menamenana i ʼnanai, i ḡairai ma rava tagotagogi ava au kolai i kiala.

⁴Ma Arua Vivivireina anatapui i vioai ma pona taputapunei ava i bababani Arua ana aguei.

⁵Nai maranaina mai Jew patupatutui dobu au anatapuna i vitaomana au Jerusalem da Pentecost torelana ita apui.

⁶Ma patarai kampa i viruberubei, ma i nonori da gugurana lamna tauvitumaḡana taui tagotagigiava ai ponei i bababani ma taui ai nota i kwa.

⁷Taui anatapui i baei ma taui ava i babani vivira i pa, “Wei mai Galili bo?

⁸Ma menanarena da anataputa awarita ata ponei e bababani!

⁹Tauta ḡelauta mai Parthia, Mede ma Elam, ma mai Mesopotamia, Judea, Capadosia, Pontus ma Eisia, Pirijia, Pamphilia, Egypt ma Libya navanavana, au Sairini au ḡereḡerena, ma ḡelauta mai Rome,

¹¹ḡelaui mai Jew ma ḡelaui Jentail wate inibori i vaia da i vimai Jew. Ma ḡelauta mai Crete ma mai Arabia. Wate God kaua ḡaeḡaena i kaukaueia, ata ponei i bababaniei ma ta nononori!”

¹²Taui anatapui i vinuanaina, nuanuai i raḡaraḡa ma i bababani vivira, “Wei aiwai kauana e tuputupua?”

¹³Wate ḡelaui taui i vinamei i pa, “Wei ravai i uma bua!”

¹⁴Anina ma Peter i vomairi Apasol 11 maiteni, ma ponana ḡaeḡaenei patara awarii i babani, Au rava mai Jew ma anatapumi au Jerusalem maemaemi, babani ana tere-kauei da ona aramanei. Ona rautaniḡana kaua.

¹⁵Wei marinaota, 9 kilok ubaubanai! Wei ravai eḡa ita uma bua me taumi o notanotai nanare,

¹⁶Wei lamna wariaḡa peroveta Joel i ririweia e tuputupua:

¹⁷Mara au damona,

¹⁸Wate nanare, Aruau ana iwaḡi au taunola nelarai ma waivinei awarii,

¹⁹Ma kaua babai au mara ana kauei,

²⁰Ma madeḡa ina waguvarei

²¹Nai au marana aiavoi da Bada awarina e viviḡore agu aubaina Bada taui ina vilawani.

²²Ma Peter i babani me: Mai Israel ona rautaniḡana: God Iesu Nasaretei i vovai-virewapani da kaua babai, ma mataira ḡaeḡaei i kauei da ita viatataiemi da tauna anina Godei i nei.

²³Wate God wariaḡa i viogei ma ana ḡoana nanare da Iesu au urami i terei, ma taumi ḡoʼapoapoe ravai ai aguei, Tauna au korosi o tuparatui da o viraḡeni.

²⁴Wate God, Iesu iraḡelei i vovaimairini, ma iraḡe iniviarana i vaitawanei ma iraḡe eḡa tagotagogina da tauna ita vojijini.

²⁵Wariaḡa David Iesu i bababaniei maranai i riwa:

²⁶Lamna aubaina nuaiai orau i oai ma menau i morelana,

²⁷Ma aruau eḡa rava irairaḡei ai au dobu ma voterei,

²⁸Tam lawana etanaina u viatataieu,

²⁹Au rava, A riwana-kauemi da amata gulau David iʼraḡe da i doboi, ma ana kokoaga weka e mamae.

³⁰Wate David lamna peroveta, ma i aramanei da God i parivainuaḡani da ana damei gulau ina opu, me tauna nanare.

³¹Ma David i ʼnanai God muriai aiwai ina kauei ma i riwa,

³²Ma God Iesu-na tagogina iraḡelei i vovaimairini, ma tauai anatapuiai a vimatamata.

³³Ma God i ḡaiei ma au oiena i vikialai. Ma Arua vivivireina i verei me i parivainuaḡana nanare, ma nai Aruana tagogina Iesu awariai i waḡi, lamna marina o nononori ma o inainanai.

³⁴David eḡa ita ḡae au mara, ma wate i riwa, Bada au Bada i riwei, “Au oieu ma kiala

³⁵ma am ḡavia au ae karem ana terei.

³⁶Lamna aubaina mai Israel anatapumi ona aramana-kauei da wei ravana Iesu o tupatuparatuia, God i terei da Bada ma Tauvilawana.