Acts 16:3-12

³Paul i ḡoei da tauna ita taravaini ana au vaḡai, lamna aubaina ini bori i verei aubaina mai Jew kampa i aramanei da tauna amana Jentail.

⁴Maranai taon nununai i nenaeni, ma ekalesia kampa i paripari-verei Apasol ma babada au Jerusalem ai nota, ma i riwei da tarawatu i ririwei ina votaḡotaḡoi.

⁵Ma ekalesia ai vitumaḡana i vovai-virewapanai ma tauvitumaḡana voui i ruirui marana patapatai.

⁶Arua Vivivireina Paul ana rava maiteni i viḡaei da eḡa Bada riwana ita jimei au Eisia provins, ma Pirijia ma Galatia paratana i naeni.

⁷Maranai i nei Maisia ana au provins ma i ḡoei da ita damana au Bithinia provins. Wate Iesu Aruana eḡa ita vianinei.

⁸Ma Maisia i verautuini da i nae au Troas.

⁹Waguvaraina Paul ana au inana i ʼnanai oroto Macedoniei i maimairi ma i vivibaḡai i pa, “Ma damanai au Masedonia da ma voaguiai!”

¹⁰Paul ana rauboni au murina tauai a vioga da laḡilaḡina ana vomairi Masedonia provins aubaina. Tauai a vitumaḡana da God i ḡorelai da Riwana Aiaina kampa ana jimei.

¹¹Au Troas tauai amkuka, a viaruana damana au Samotreis bonabonana a ḡeta ma au pom ḡela a kuka-nae au Neapolis.

¹²Ma kampa da a babara nae au Philipai taon au Masedonia provins, weka mai Rome ai sorodia ai bareki ḡaeḡaena i mae, kampa a veraumae.