Acts 13:45-48

⁴⁵Ma kada ne wane Jiu ki kera ada to'ona ne okue nai baita, lioda ka 'uga 'asiana. Ma kera ngengea na ru ne sa Paul nia saea, ma kera ka fata buri laugo ana.

⁴⁶Boroi ma sa Paul ma sa Banabas keroa ka fata nonira'a, ka 'uri, “Nia bobola fua karo ka eta fata basi sulia na fatalana God 'i nao fua mulu Jiu ki. Boroi ma sulia ne mulu noni'ela ana, mulu fatainia ne nao mulu si bobola go fua ngalilana na maurie firi. Nia ne karo ka fasi kamulu, ma karo ka leka 'amaro fua wane ne nao lau Jiu ki.

⁴⁷Karo leka siana wane ne nao lau Jiu ki, sulia God nia odu karo ka 'uri, ‘Nau ku alu 'oe 'oko dia na kwesu fua wane ne nao lau Jiu ki. Nau ku odu 'oe fua 'oko farongoa wane ki tafau laona molagali ana te ne nau sasia fuana famaurilada.’”

⁴⁸Ma ana kada ne wane ne nao lau Jiu ki kera rongoa ru ne, kera ka eele 'asiana, ma kera ka tangoa na farongoe na 'Aofia. Ma na wane ne God filida fuana maurie firi, kera ka famamana na.