Acts 13:45-48

⁴⁵Jew yangan ato sabu kuayo gagamin bag si’tai on, siboboar; ato Paul dura aifan ibikakafun on osi awanai nan sibibas a aurin dura komasis si’yawur.

⁴⁶Baise Paul a Barnabas rus on dura totor faiwarinai wat sikurereb, osi men siber mes. Osi siyau. “Wei God an dura on ainau omi aurim watkurereb. Baise omi men wogogoi wontatam, a omi toum wobiyamem on omi men obim, on yawas mama wantoanin wonboai, on fasinai wei omi wanikirirem ato wanan sabu men Jew yangan auris.

⁴⁷Yabin Bada an dura wawanin on atonio nanaba itei on wanafour mes, Bada iyau, ‘Yau afourim wonat tafa ba wonmatar sabu men Jew yangan auris, omi eta ba wonmatar tafanam engon tutufin amonai on sabu yawas sinboai.’”

⁴⁸Sabu men Jew yangan atonio dura sitatam on siyasisir kwakwan ato God an dura aurin sifain; ato sabu iyabon sirubines yawas mama wantoanin sinboai aurin on, sinat baitutumotis simatar.