2 ፂሞቶሳ 3

1

2

3

4

¹ሺን ዉርሴꬃ ጋላሲ ዋዪሲያ ዎዲ ያናዋ ኣኬካ።

²ኣዪሲ ጎፔ፥ ኣሳይ ባሬና ሲቂያዋንታ፥ ሻሉዋ ሲቂያዋንታ፥ ጬቄቲያዋንታ፥ ኣዪያዋንታ፥ ቦሪያዋንታ፥ ባሬና ዬሌዳዋንቶ ኣዛዜቴናዋንታ፥ ጋላቴናዋንታ፥ ጌሻቴꬃይ ባይናዋንታ፥

³ሲቁ ባይናዋንታ፥ ሲጌቴናዋንታ፥ ዚጊርሳንቻቱዋ፥ ባሬና ናጌናዋንታ፥ ኬኬናዋንታ፥ ሎዖባ ዶሴናዋንታ፥

⁴ኡባ ኤሪኬ ጊያዋንታ፥ ዲርቢያዋንታ፥ ኦቶሩዋን ሱጌቲያዋንታ፥ ቃሲ ፆሳፔ ኣꬂዴ፥ ኢሻሉዋ ዶሲያዋንታ ጊዳና።

⁵ኡንቱንቱ ፆሳው ጎዪኒያዋ ማላቲኖ፤ ሺን ኣ ዎልቃ ካዴዲኖ። ሄዋንቱ ማላ ኣሳቱዋኮ ሺቆፓ።

⁶ኣዪሲ ጎፔ፥ ኡንቱንቱፔ ኢቱ ኢቱ ኣሳ ጎሊያ ጌሊዴ፥ ናጋራይ ዴፄዳዋንታ፥ ዱማ ዱማ ኣሙዋን ሱጌቲያዋንታ፥ ኡባ ዎዴ ታማሪዴ፥ ቱማቴꬃ ኤራ ኣካናው ሙሌ ዳንዳዪቤና ዳቡራንቻ ማጫዋንታ ባሌꬂኖ።

⁸ያኔሲኔ ያምባሬሲ ሙሴ ዬዉዋ ጳልቆዋዳን፥ ሄዋዳን ቃሲ ሃዋንቱ፥ ሱሬ ቆፋይ ባይናዋንታ ኣማኑዋን ኩንዴዳዋንቱ፥ ቱማቴꬃባ ጳልቂኖ።

⁹ሺን ያኔሳ ኤያቴꬃይኔ ያምባሬሳ ኤያቴꬃይ ቃሲ ቆንጬዳዋዳን፥ ኡንቱንቱ ኤያቴꬃይካ ኣሳ ኡባው ቆንጫና ዲራው፥ ኡንቱንቱ ካሴዋፔ ኣꬊዴ ዲጪኪኖ።

¹⁰ሺን ኔኒ ታ ቲሚርቲያ፥ ታ ሃኖታኔ ታ ቆፋ፥ ታ ኣማኑዋኔ ታ ዳንዳያ፥ ታ ሲቁዋኔ ታ ጌንጩዋ፥

¹¹ታ ዬዴሳኔ ታ ዋዪያ ቤዓዳ። ኣንፆኪያኔ፥ ኢቆኒዮኔኔ ሊስፂራ ጊያ ካታማቱዋን ታና ጋኬዳባኔ ታኒ ዳንዳዬዳ ዬዴሳ ኤራሳ። ጎዳይ ታና ሄ ኡባፔ ኣሼዳ።

¹²ቱማቴꬃን ኪሪስቶሲ ዬሱሳን ፆሳ ማላቲዴ ዴዓናው ዶሲያ ኡባይ ዬዴርሴታና።

¹³ሺን ኢታ ኣሳቱኔ ባሌꬂያዋንቱ ሃራቱዋ ባሌꬂዴኔ ባሬንቱ ሁጴው ባሊዴ፥ ካሴፔ ኢቲ ኢቲ ቢኖ።

¹⁴ሺን ኔኒ ሄ ቱማቴꬃ ኦፔ ታማሬዴንቶኔ ኤራዴ፥ ኔኒ ታማሬዳዋኒኔ ኤሬዳዋን ሚናዴ ዴዓ።

¹⁵ኔኒ ጉꬃ ናዓቴꬃፔ ዶማዴ ኪሪስቶሲ ዬሱሳ ኣማናዴ፥ ኣቶቴꬃይ ቤቲያ ኣꬌዳ ኤራ ኢማናው ዳንዳዪያ ጌሻ ማፃፋቱዋ ኤራዳ።

¹⁶ፆሳ ማፃፋ ኡባን ፆሳ ኣያናይ ዴዔ። ቃሲ ሄ ማፃፋቱ ፆሳው ኦꬂያ ኣሳይ ኩሜንꬃኔ ሎዖ ኦሱዋ ኡባው ጊጌዳዋ ጊዳና ማላ፥ ቱማቴꬃ ታማሪሳናው፥ ባላ ሴራናው፥ ባዪዙዋ ሱሪሳናዉኔ ፂሎቴꬃ ዴዖ ዞሪያ ኢማናው ማዲኖ።