1Hu'neanagi Ruotge Avamumo huama huno nerasmie, mago'a kna esnia knafina mago'amo'za zamentinti atre'za evunerami'za, rezmatagahu avamu'ene, hankro'mofo naneke rempi huzamisage'za zamagesa anteza antahigahaze.
2Havige vahe'mo'za zamagra hu'za, amanahu vahe mani'none nehza vahe'mo'za havi kereti rezmatga nehu'za, knare zamagu zamagesa zamagu'afi me'neana, havi kereti zamagu'a kre hagege nehze.
3Ana vahe'mo'za arave osugahaze nehu'za, mago'a kavera oneho hanazana, tamage ke'arema tamentinti nehutma nentahimota Anumzamo'ma tro hunte'nea zana muse hunenteta susu huta erigahaze.
4Na'ankure hakare'zama Anumzamo'ma tro hunte'nea zamo'a, knare hu'negu mago'zana otreta tamagra susu hunentetma amne erigahaze.
5Na'ankure Anumzamofo ke'mo' ene, nunamumo azeri agru hu'ne.
6Ama kema monopi mani'naza kafuhe'ima zamasmisunka, kagra Krais Jisasi knare eri'za ne' nemninka, hanavetinka hakare zupa kamentintifine, mono kemofo nehunka, amage'ma nentampina hagegahane.
7Hu'neanagi kagra maninka tvava'nemofo knihe kerera fra ovazio, hagi kagra knaka'ane, hanaveka'a Anumzamofo avu'avapi kzeri hanavetio.
8Hanki amega tvufa azeri hanaveti hanuna zamo'a, osi'a knafi tza hu'zana eri gahunanagi, Anumza avu'avapi (godliness) maka'za hanuna zamo'a, huhampri'negu meni mani'zampina tza nehuno, henka mani'zampinena tza hugahie.
9Ama nanekea tamage naneke me'negu antahi hanavetita erisnune.
10Amana zante amuho huta eri'zana enerita mragu'za netune, na'ankure kasefa huno mani'nea Anumzamo'ma esnigu tagra tamentinti nehune, mika zamentinti nehza vahe zamahokehe nere. (Savior)
11Menima negasmua kea huankerenka huzamige'za amage anteho.
12Atregeno mago vahe'mo'a nehza ne' mani'nane huno kagehenkamu otreno, hianagi zamentintima nehza nagatera avame zankna hunka keka'afine, kavu kvapine, zamesi zamante zane, kamentintifine, agru hu'zane, huzmeri hugahane.
13Nagra egahuanki, hakare vahera zamazeri atru hunka avontafera hamprinka mono nanekea huama hunka rempi huzamio.
14Kagra kagera oknitfa huo, Anumza naneke huama (profesi) hzagenka anampinti Avamu'mofo muse'za (gift) erinke'za, mono kva vahe'mo'za zamaza ante'za eri'za eriogu huhampri kante'naze.
15Mika zupa kagra ama erizana kegva nehunka, anampinka eri'zana enerisankeno nena'a fore hanige'za vahe'mo'za kegahze.
16Kagrama kavukvama nehanazana kegvanegrinka, rempima vahema hunezmina kenena kegva nehunka, maka zupa anazanke hunka nevanankeno'a, Anumzamo kagrira kagunevazino, keka'a antahinamokizmia zmagu'vazigahie.
