1Ama'i tamage naneke, iza'o mono kva manigahue hanimo'a, knare eri'zane huno erino.
2Kvama hania ne'mo'a amanahu hino, hazenke'a omneno, magoke a' anteno, manizama'a kva nehuno, fatgo zanke nehuno, avufa antermino nemnino, nantu antentesia vahe agampu nehuno, agra knare'za rempi huzmi ne' nemnino,
3hanave rina neno negi oneno, hafra osuno, hagi arimpa fru nehuno, ke hakare osuno, zgogu avesinte'zana atreno.
4Agra knare huno naga'a kva nehuno, mofavre zga'a zamazeri fatgo hanige'za, knare kante maniho.
5Hu'neanagi naga'a kvagri so'e nosnimo'a, ina kna huno Anumzamofo mono' nona kegva hugahie?
6Menima agu'a rukrahe hu'nesnia nera, mono kva ne' manisnie hunka ame'ama hunka azeri o'otio. Agra avufa erisaga nehnigeno Sata'a ana hanifi efreno azeri traka hugahie.
7Hagi monopi omani megi'a vahe'mo'za nege'za, knare nere nehnageno, agra havi avu'avapina uramino Sata krifufina ohegahie.
8Dikenima manisia ne'mo'a, anahu kna huno avu'avapina fatgo huno mani'neno, tare agerura oruno, hanave tintera osuno, havi kantetira zgoa e'orino,
9e'inara osuno ani' agu' agesare mani'neno, Anumzamofonte hanave amentinti hu'neana, azeri hampo'na hino.
10Ana eri'zana erigahazanki hu'nenka, esera avame antenka eri'za zamige'za knare hu'zama erisagenka, dikeni eri'zana zamige'za eriho.
11A'ne zamimo'zanena anahu kna hu'za knare hu'za nemni'za, vahe zamefi'a ke osu'za, knare avu'ava hu'za fatgo zanke hakareza hanafina nehnage'za antahi zamigahaze.
12Dikenima manisimo'a magoke a' anteno, mofavre naga'a knare huno kegva negrino, noma'afi zantmine, vahe enena kegva krigahie.
13Ana dikeni eri'zama knare hu'za erisamo'za knare zamagi eneriza, eri'za zamifina otine'za, korera osu'za Krais Jisasintera hanaveti'za zamentinti hugahaze.
14Nagra ama avoma kre atrogeno kagritega viana, zaza kna omninesakena ko e'naku nehue.
15Hianagi mago'a zamo'ma nazerinke'na omesugenka, nagrama avoma kre troana kagra kenka antahinka hu'nane, vahe'mo'za inankna hu'za Anumzamofo nagara zamagra kegva hugahaze, kasefa huno mni'nea Anumzamofo mono nonte'ma, atru re'nea anumza zafa, tamage kemofo agafa'e.
16Maka vahe'mota mago trimpa nehune, Anumzamofo avu'avapi tamentintima hu'zamo'a eama nehie, Kraisi'a avufa erino eama higeno, Avamu'mo fatgo avu'ava eriama higeno, ankero'moza kageno, Kraisi agi agenke hakare kaziga huama higeno, miko mopane mopane vahe'mo'za zamentinti hzageno, tusi'a msa'nentake konariri'afi avreno mreri'ne.
