ᤛᤣ᤺ᤰᤕᤢᤰᤔᤡᤒᤠᤜᤠ᤹ 11:11-16

¹¹ᤒᤠ ᤂᤧᤴ ᤕᤧᤶᤔᤥ ᤛᤡᤈᤖᤡᤕᤠᤗᤠᤶ ᤀᤠᤗᤠ᤺ᤛᤧ ᤔᤧᤒᤠᤱᤄᤢᤛᤡᤒᤠ ᤛᤢᤶᤛᤡ ᤔᤏᤠᤜᤠ᤹ ᤀᤡᤱᤃᤠ᤹ ᤕᤠ᤺ᤰᤋᤠᤱᤒᤠ ᤜᤡᤶᤔᤥ ᤔᤧᤃᤧᤖᤧ॥

¹²ᤛᤣᤛᤣᤔᤠᤱᤅᤡᤸᤗᤧᤀᤠᤱ ᤔᤧᤳᤋᤠᤱ. ‘ᤌᤡᤶᤔᤧᤴᤍᤱ ᤛᤢᤘᤠᤱᤛᤡᤛᤠᤱ ᤆᤵᤆᤡ ᤔᤧᤴᤈᤥ᤺ᤰᤁᤣ ᤂᤧᤱᤜᤠ᤹ᤏᤢ ᤐᤣᤃᤧ᤹ᤀᤥ॥’ ᤂᤧᤵᤔᤥ ᤋᤢᤰᤛᤡ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤀᤠᤱ ᤀᤡᤱᤃᤠ᤹ᤏᤢ ᤛᤡᤈᤖᤡᤕᤠᤀᤥ ᤔᤧᤒᤣ. ᤜᤧᤰᤁᤩᤠᤱ ᤛᤥᤖᤡᤰ ᤁᤷᤏᤠᤗᤡᤕᤛᤖᤧ ᤁᤢᤜᤡᤶᤔᤥ ᤐᤣ᤺ᤰᤔᤏᤠᤖᤥ॥

¹³ᤂᤢᤏᤧ᤹ᤀᤠᤱ ᤀᤠᤰᤂᤣᤗ᤹ᤖᤡᤰ ᤔᤠᤱᤗᤠᤀᤡᤱᤒᤠᤴ ᤁᤢᤜᤡᤶᤔᤥ ᤋᤩᤧᤀᤠᤱ ᤂᤢᤏᤧ᤹ ᤔᤧᤳᤋᤢᤒᤠᤴ ᤕᤠᤵᤔᤡ ᤆᤧᤰᤋᤧ. ‘ᤁᤢᤓᤠ ᤔᤏᤠᤜᤠ᤹ ᤈᤥᤵᤐᤠᤀᤥ ᤛᤡᤔᤥᤏ ᤐᤋᤪᤢᤛᤖᤧ ᤁᤢᤗᤠ᤺ᤛᤧ ᤐᤠᤱᤛᤧᤛᤧ᤹ᤀᤥ॥

¹⁴ᤂᤢᤏᤧ᤹ ᤐᤠ᤺ᤳᤋᤢᤒᤠ ᤐᤠ᤺ᤴᤈᤠᤰᤁᤡᤸᤗᤧ ᤂᤧᤏᤧ᤹ ᤏᤢ ᤁᤠᤰ ᤁᤧᤜᤡᤶᤛᤕᤱᤜᤠ᤹ᤖᤧ ᤛᤧᤴᤗᤵ ᤁᤧᤄᤥ᤺ᤛᤢᤶᤗᤥ॥’

¹⁵ᤀᤡᤱᤃᤠ᤹ ᤐᤠ᤺ᤵᤔᤠ ᤜᤣ᤺ᤰᤋᤢᤱᤗ ᤐᤳᤇᤠᤱᤅᤡᤸᤗᤧ ᤛᤣᤛᤣᤔᤠᤱᤅᤡᤴ ᤋᤃᤡ ᤀᤠᤏᤡ᤹ ᤛᤶᤍᤠᤱ ᤆᤢᤰᤋᤧᤒᤠ ᤜᤧᤰᤁᤣ ᤂᤧᤱᤜᤠ᤹ ᤛᤶᤍᤠᤱᤅᤠᤱ ᤆᤢᤰᤋᤧᤖᤥ॥

¹⁶ᤜᤧᤰᤁᤩᤠᤱ ᤀᤡᤱᤃᤠ᤹ ᤍᤠᤱᤒᤠᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤳᤋᤢᤱ–‘ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤧ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ. ᤁᤖ ᤂᤡᤏᤡ᤹ᤃ ᤛᤣᤛᤣᤔᤠᤱᤅᤡᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤥ᤺ᤰᤂᤡ᤹ᤖᤥ॥’