4ᤜᤧᤰᤁᤩᤠᤱ ᤀᤡᤱᤃᤠ᤹ ᤜᤠᤱᤕᤢᤰᤏᤠᤜᤠ᤹ ᤏᤡ᤺ᤛᤢᤱᤛᤡᤱ॥ ᤂᤧᤵᤔᤥ ᤂᤠᤛᤧᤴ ᤗᤥ᤺ᤶᤔᤠ ᤕᤢᤰ ᤁᤧᤄᤥ᤺ᤒᤠᤜᤠ᤹ ᤔᤧᤕᤢᤅᤧ॥ ᤜᤧᤰᤁᤩᤠᤱ ᤕᤧᤛᤢ ᤂᤪᤡᤛ᤻ᤋᤖᤧ ᤀᤥᤛᤣ᤺ᤴᤍᤠᤱ ᤆᤥᤃᤢᤒᤠ ᤛᤧᤰᤂᤠ᤺ᤴ ᤏᤢ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ ᤀᤡᤱᤓᤴ ᤔᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤡ᤹ ᤌᤧᤃᤣ᤺ᤰᤐᤠ ᤔᤧᤄᤰᤋᤢ ᤔᤧᤛᤧᤖᤢᤛᤡᤒᤠᤜᤠ᤹ᤖᤧ ᤂᤢᤏᤡ᤹ ᤕᤠᤶᤛᤠᤶᤜᤠ᤹ ᤏᤡ᤺ᤛᤢᤛᤡᤱᤗᤥ॥ ᤂᤧᤱᤜᤠ᤹ᤖᤧᤃ ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤌᤰᤛᤠ᤺ᤴ ᤏᤢ ᤁᤢᤏᤠᤘᤠᤀᤡᤳᤗᤠ᤺ᤴ ᤛᤣᤘᤠ ᤔᤧᤴᤈᤥᤃᤢᤴ ᤜᤧᤰᤁᤩᤠᤱ ᤀᤡᤒᤢᤃᤧᤴ ᤁᤢᤔᤡᤰᤛᤣ᤺ᤴᤏᤡᤴᤏᤠᤱ ᤂᤢᤏᤡ᤹ ᤋᤥᤘᤠᤒᤥ ᤀᤡᤃᤪ ᤜᤢᤰᤁᤥ ᤔᤧᤴᤍᤠ᤺ᤰᤋᤢᤴᤏᤠᤱ ᤘᤕᤧᤖᤥ॥ ᤂᤧᤱᤜᤠ᤹ᤃ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤔᤧᤜᤡᤅᤧᤀᤠᤱ ᤂᤪᤡᤛ᤻ᤋᤧᤴᤏᤢ ᤋᤱᤒᤣ ᤜᤧᤴᤇᤡᤱ ᤌᤠᤖᤡᤰ ᤜᤠᤱ ᤔᤧᤈᤥᤃᤢᤖᤥ॥