ᤗᤢᤁᤠ 23:7-14

⁷ᤐᤡᤗᤠᤋᤛᤖᤧ ᤁᤴ ᤐᤠ᤺ᤴᤏᤡᤴ ᤜᤧᤖᤥᤍ ᤜᤠᤱᤅᤡᤸᤗᤧ ᤁᤢᤗᤠᤈᤣ᤹ᤀᤥᤒᤠ ᤁᤧᤗ᤹ᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤕᤧᤛᤢ᤺ᤴ ᤜᤧᤖᤥᤍ ᤜᤠᤱᤅᤡᤸᤗᤥᤀᤣ ᤐᤠᤱᤄᤢᤍᤣ᤺ᤛᤢᤖᤥ॥ ᤂᤧᤴ ᤕᤧᤶᤔᤥ ᤜᤧᤖᤥᤍᤧᤏ ᤕᤖᤢᤛᤗᤧᤶᤔᤥ ᤘᤕᤧᤖᤥ॥

⁸ᤜᤧᤖᤥᤍᤖᤧ ᤕᤧᤛᤢ᤺ᤴ ᤏᤡ᤺ᤛᤢᤀᤠᤱ ᤛᤠ᤹ᤖᤡᤰ ᤛ᤺ᤳᤋᤧ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤆᤥᤃᤢᤒᤠ ᤐᤠ᤺ᤴᤏᤡᤴ ᤂᤧᤵᤛᤢᤀᤠᤱ ᤋᤃᤡᤀᤠᤱᤎᤥ ᤋᤢᤶᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧ॥ ᤀᤠᤸᤗ ᤂᤢᤏᤧ᤹ ᤁᤢᤍᤃᤡ ᤕᤧᤛᤢᤖᤧ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤒᤠ ᤀᤥᤔᤧᤵᤔᤠ ᤁᤢᤛᤡᤖᤠ᤹ ᤌᤠᤅᤧᤀᤠᤱ ᤘᤕᤧᤖᤥ॥

⁹ᤜᤧᤖᤥᤍᤖᤧ ᤂᤢᤏᤧ᤹ ᤕᤖᤡᤰ ᤐᤠ᤺ᤴᤜᤠ᤹ ᤛᤣ᤺ᤴᤍᤥᤛᤢ. ᤁᤖ ᤕᤧᤛᤢᤖᤧ ᤌᤣᤀᤠᤱ ᤏᤥᤃᤵ ᤔᤧᤒᤡᤖᤢᤴᤗᤥ॥

¹⁰ᤜᤧᤰᤁᤩᤠᤱ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤔᤧᤒᤥᤃᤧᤀᤠᤱ ᤂᤢᤏᤧ᤹ ᤕᤧᤰᤁᤵ ᤑᤥᤋᤩᤠ ᤁᤢ᤺ᤵᤔᤠ ᤔᤧᤜᤣ᤺ᤰᤋᤢ॥

¹¹ᤜᤧᤖᤥᤍᤧᤏ ᤏᤢ ᤁᤢᤎᤰᤛᤢᤒᤠᤜᤠ᤹ᤖᤧ ᤕᤧᤛᤢ᤺ᤴ ᤁᤡᤏᤠ᤺ᤴᤍᤡ ᤔᤧᤒᤡᤖᤢᤖ ᤁᤢᤈᤠ᤺ᤳᤌᤡ ᤔᤧᤍᤣ᤺ᤛᤢ. ᤜᤧᤰᤁᤩᤠᤱ ᤐᤖᤠᤴᤗᤠ ᤜᤠᤱᤋᤣ᤺ᤳᤋᤡᤴ ᤔᤧᤈᤠᤰᤋᤢ ᤔᤧᤒᤡᤖᤢᤀᤠᤱ ᤕᤠᤱᤏᤠ ᤐᤡᤗᤠᤋᤛᤖᤥ ᤔᤧᤒᤠᤱᤄᤢ ᤔᤧᤍᤣ᤺ᤛᤢᤖᤥ॥

¹²ᤒᤠ ᤂᤧᤴ ᤕᤧᤴᤏᤠᤱᤎᤥ ᤜᤧᤖᤥᤍ ᤜᤠᤱᤅᤡᤴ ᤏᤢ ᤐᤡᤗᤠᤋᤛᤧᤴ ᤕᤠᤶᤔᤥ ᤋᤅᤧᤳᤇᤡᤖᤥ॥ ᤂᤧᤴᤏᤢ᤺ᤸᤗᤧ ᤋᤃᤡ ᤂᤢᤴᤇᤡ᤹ ᤏᤧᤵᤔᤠᤱ ᤏᤡᤱᤔᤡ ᤘᤕᤧᤳᤇᤡᤖᤥ॥

¹³ᤜᤧᤰᤁᤩᤠᤱ ᤐᤡᤗᤠᤋᤛᤖᤧ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹. ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ ᤏᤢ ᤔᤏᤠᤜᤠ᤹ ᤀᤢ᤺ᤳᤋᤢᤛᤡᤀᤠᤱ

¹⁴ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤁᤴ ᤜᤠᤱᤒᤡᤑᤩᤢᤱ ᤁᤧᤈᤥ᤺ᤰᤐᤠ ᤑᤠ᤹ᤀᤠᤱ ᤑᤥᤋᤩᤠ ᤁᤧᤃᤢ᤺ᤳᤋᤢᤶᤔᤠᤱ ᤁᤧᤍᤠᤖᤢᤶᤒᤠ ᤔᤏᤠ᤺ᤴ ᤂᤡᤏᤡ᤹ ᤋᤃᤡᤀᤣ ᤀᤡᤱᤃᤠ᤹ ᤕᤖᤡᤰ ᤐᤠ᤺ᤴ ᤛᤣ᤺ᤴᤍᤥᤛᤢᤱ. ᤁᤖ ᤀᤡᤱᤃᤠ᤹ ᤌᤣᤀᤠᤱ ᤕᤠ᤺ᤶᤒᤰ ᤑᤣ᤺ᤴᤍᤢᤒᤠ ᤔᤧᤱᤄᤥ᤺ᤒᤠᤴᤗᤥ॥