ᤗᤢᤁᤠ 23:7-14 in Limbu

⁷ ᤐᤡᤗᤠᤋᤛᤖᤧ ᤁᤴ ᤐᤠ᤺ᤴᤏᤡᤴ ᤜᤧᤖᤥᤍ ᤜᤠᤱᤅᤡᤸᤗᤧ ᤁᤢᤗᤠᤈᤣ᤹ᤀᤥᤒᤠ ᤁᤧᤗ᤹ᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤕᤧᤛᤢ᤺ᤴ ᤜᤧᤖᤥᤍ ᤜᤠᤱᤅᤡᤸᤗᤥᤀᤣ ᤐᤠᤱᤄᤢᤍᤣ᤺ᤛᤢᤖᤥ॥ ᤂᤧᤴ ᤕᤧᤶᤔᤥ ᤜᤧᤖᤥᤍᤧᤏ ᤕᤖᤢᤛᤗᤧᤶᤔᤥ ᤘᤕᤧᤖᤥ॥

⁸ ᤜᤧᤖᤥᤍᤖᤧ ᤕᤧᤛᤢ᤺ᤴ ᤏᤡ᤺ᤛᤢᤀᤠᤱ ᤛᤠ᤹ᤖᤡᤰ ᤛ᤺ᤳᤋᤧ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤆᤥᤃᤢᤒᤠ ᤐᤠ᤺ᤴᤏᤡᤴ ᤂᤧᤵᤛᤢᤀᤠᤱ ᤋᤃᤡᤀᤠᤱᤎᤥ ᤋᤢᤶᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧ॥ ᤀᤠᤸᤗ ᤂᤢᤏᤧ᤹ ᤁᤢᤍᤃᤡ ᤕᤧᤛᤢᤖᤧ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤒᤠ ᤀᤥᤔᤧᤵᤔᤠ ᤁᤢᤛᤡᤖᤠ᤹ ᤌᤠᤅᤧᤀᤠᤱ ᤘᤕᤧᤖᤥ॥

⁹ ᤜᤧᤖᤥᤍᤖᤧ ᤂᤢᤏᤧ᤹ ᤕᤖᤡᤰ ᤐᤠ᤺ᤴᤜᤠ᤹ ᤛᤣ᤺ᤴᤍᤥᤛᤢ. ᤁᤖ ᤕᤧᤛᤢᤖᤧ ᤌᤣᤀᤠᤱ ᤏᤥᤃᤵ ᤔᤧᤒᤡᤖᤢᤴᤗᤥ॥

¹⁰ ᤜᤧᤰᤁᤩᤠᤱ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤔᤧᤒᤥᤃᤧᤀᤠᤱ ᤂᤢᤏᤧ᤹ ᤕᤧᤰᤁᤵ ᤑᤥᤋᤩᤠ ᤁᤢ᤺ᤵᤔᤠ ᤔᤧᤜᤣ᤺ᤰᤋᤢ॥

¹¹ ᤜᤧᤖᤥᤍᤧᤏ ᤏᤢ ᤁᤢᤎᤰᤛᤢᤒᤠᤜᤠ᤹ᤖᤧ ᤕᤧᤛᤢ᤺ᤴ ᤁᤡᤏᤠ᤺ᤴᤍᤡ ᤔᤧᤒᤡᤖᤢᤖ ᤁᤢᤈᤠ᤺ᤳᤌᤡ ᤔᤧᤍᤣ᤺ᤛᤢ. ᤜᤧᤰᤁᤩᤠᤱ ᤐᤖᤠᤴᤗᤠ ᤜᤠᤱᤋᤣ᤺ᤳᤋᤡᤴ ᤔᤧᤈᤠᤰᤋᤢ ᤔᤧᤒᤡᤖᤢᤀᤠᤱ ᤕᤠᤱᤏᤠ ᤐᤡᤗᤠᤋᤛᤖᤥ ᤔᤧᤒᤠᤱᤄᤢ ᤔᤧᤍᤣ᤺ᤛᤢᤖᤥ॥

¹² ᤒᤠ ᤂᤧᤴ ᤕᤧᤴᤏᤠᤱᤎᤥ ᤜᤧᤖᤥᤍ ᤜᤠᤱᤅᤡᤴ ᤏᤢ ᤐᤡᤗᤠᤋᤛᤧᤴ ᤕᤠᤶᤔᤥ ᤋᤅᤧᤳᤇᤡᤖᤥ॥ ᤂᤧᤴᤏᤢ᤺ᤸᤗᤧ ᤋᤃᤡ ᤂᤢᤴᤇᤡ᤹ ᤏᤧᤵᤔᤠᤱ ᤏᤡᤱᤔᤡ ᤘᤕᤧᤳᤇᤡᤖᤥ॥

¹³ ᤜᤧᤰᤁᤩᤠᤱ ᤐᤡᤗᤠᤋᤛᤖᤧ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹. ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ ᤏᤢ ᤔᤏᤠᤜᤠ᤹ ᤀᤢ᤺ᤳᤋᤢᤛᤡᤀᤠᤱ

¹⁴ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤁᤴ ᤜᤠᤱᤒᤡᤑᤩᤢᤱ ᤁᤧᤈᤥ᤺ᤰᤐᤠ ᤑᤠ᤹ᤀᤠᤱ ᤑᤥᤋᤩᤠ ᤁᤧᤃᤢ᤺ᤳᤋᤢᤶᤔᤠᤱ ᤁᤧᤍᤠᤖᤢᤶᤒᤠ ᤔᤏᤠ᤺ᤴ ᤂᤡᤏᤡ᤹ ᤋᤃᤡᤀᤣ ᤀᤡᤱᤃᤠ᤹ ᤕᤖᤡᤰ ᤐᤠ᤺ᤴ ᤛᤣ᤺ᤴᤍᤥᤛᤢᤱ. ᤁᤖ ᤀᤡᤱᤃᤠ᤹ ᤌᤣᤀᤠᤱ ᤕᤠ᤺ᤶᤒᤰ ᤑᤣ᤺ᤴᤍᤢᤒᤠ ᤔᤧᤱᤄᤥ᤺ᤒᤠᤴᤗᤥ॥

⁷ पिलातसरे़ कन् पाःन्‍निन् हे़रोद हाङ्‌ङिल्‍ले़ कुलाजेॽओबा के़लॽबा निङ्‌वाॽ खोःसुआङ् ये़सुःन् हे़रोद हाङ्‌ङिल्‍लोए पाङ्‌घुदेःसुरो॥ खे़न् ये़म्‍मो हे़रोदे़न यरुसले़म्‍मो वये़रो॥

⁸ हे़रोदरे़ ये़सुःन् निःसुआङ् साॽरिक् सःत्ते़, थेआङ्‌भे़ल्‍ले़ खुने़ॽ चोगुबा पाःन्‍निन् खे़प्‍सुआङ् तगिआङ्धो तुम्‍मा निङ्‌वाॽ चोगुआङ् वये़॥ आल्‍ल खुने़ॽ कुदगि ये़सुरे़ निङ्‌वाॽ के़माबा याःम्‍बक्‍हाॽ चोगुबा ओमे़प्‍मा कुसिराॽ थाङे़आङ् वये़रो॥

⁹ हे़रोदरे़ खुने़ॽ यरिक् पाःन्‍हाॽ सेःन्‍दोसु, कर ये़सुरे़ थेआङ् नोगप् मे़बिरुन्‍लो॥

¹⁰ हे़क्‍क्‍याङ् तुम्निङ्‌वाॽफुसाम्‍बाहाॽ नु साम्‌योथिम्‍साम्‍बाहाॽ मे़बोगे़आङ् खुने़ॽ ये़क्‍कप् फोत्‍या कुःप्‍मा मे़हेःक्‍तु॥

¹¹ हे़रोदे़न नु कुधक्‍सुबाहाॽरे़ ये़सुःन् किनाःन्‍दि मे़बिरुर कुजाःत्‍थि मे़देःसु, हे़क्‍क्‍याङ् परान्‍ला हाङ्‌तेःत्तिन् मे़जाक्‍तु मे़बिरुआङ् याङ्‌ना पिलातसरो मे़बाङ्‌घु मे़देःसुरो॥

¹² बा खे़न् ये़न्‍नाङ्‌धो हे़रोद हाङ्‌ङिन् नु पिलातसे़न् याम्‍मो तङे़त्‍छिरो॥ खे़न्‍नुःल्‍ले़ तगि खुन्‍छिॽ ने़प्‍माङ् निङ्‌मि वये़त्‍छिरो॥

¹³ हे़क्‍क्‍याङ् पिलातसरे़ तुम्निङ्‌वाॽफुसाम्‍बाहाॽ, यहुदि लाम्‍लोःबाहाॽ नु मनाहाॽ उःत्तुसिआङ्

¹⁴ खे़ङ्‌हाॽ मे़त्तुसि, “खिनिॽ कन् हाङ्‌बिफ्‍युङ् के़जोःक्‍पा फाॽआङ् फोत्‍या के़गुःत्तुम्‍माङ् के़दारुम्‍बा मनाःन् खिनिॽ तगिए इङ्‌गाॽ यरिक् पाःन् सेःन्‍दोसुङ्, कर इङ्‌गाॽ थेआङ् याःम्‍बक् फेःन्‍दुबा मे़ङ्‌घोःबान्‍लो॥