ᤕᤢᤜᤢᤴᤏᤠ 5:19-22

¹⁹ᤕᤧᤛᤢᤖᤧ ᤂᤧᤱᤜᤠ᤹ ᤀᤰᤋᤱᤒᤠ ᤏᤥᤃᤵ ᤐᤡᤖᤢᤛᤡ. “ᤛᤧᤰᤂᤠᤀᤣ ᤔᤧᤳᤏᤡᤱᤗᤥ. ᤁᤢᤛ᤻ᤛᤠ᤺ᤸᤗᤧ ᤀᤠᤒᤠᤅᤣᤃ ᤌᤣᤀᤠᤱ ᤆᤥ᤺ᤰᤔᤠ ᤔᤧᤛᤢᤰᤋᤢᤴ. ᤁᤖ ᤂᤢᤏᤧ᤹ᤃ ᤐᤠᤏᤢᤍᤡᤱ ᤁᤢᤶᤒᤠᤖᤧ ᤆᤥᤃᤢᤒᤠ ᤐᤠ᤺ᤴᤜᤠ᤹ ᤏᤡ᤺ᤛᤢᤒᤠ ᤁᤢᤀᤡᤛᤡ᤺ᤰᤗᤰ ᤆᤥ᤺ᤰᤔᤠ ᤛᤢᤰᤋᤢ᤹ᤖᤥ. ᤌᤣᤀᤠᤱᤓᤧᤸᤗᤧ ᤐᤠᤏᤢᤍᤡᤱ ᤐᤠ᤺ᤸᤗᤧ ᤌᤣ ᤆᤥᤃᤢ᤹ ᤒᤠ ᤂᤧᤴᤏᤣ ᤁᤢᤛ᤻ᤛᤠ᤺ᤸᤗᤧᤀᤠᤱ ᤆᤥᤃᤢ᤹ᤖᤥ॥

²⁰ᤌᤣᤀᤠᤱᤓᤧᤸᤗᤧ ᤐᤠᤏᤢᤍᤡᤱ ᤐᤠ᤺ᤸᤗᤧ ᤁᤢᤛ᤻ᤛᤠ᤺ᤴ ᤗᤢᤱᤔᤠ᤹ ᤋᤢᤰᤋᤢᤀᤠᤱ ᤂᤢᤏᤧ᤹ ᤆᤥᤃᤢᤒᤠ ᤁᤠᤰ ᤕᤠ᤺ᤶᤒᤰᤁᤡᤴ ᤀᤥᤛᤣ᤺ᤴᤎᤠᤰᤋᤢ᤹ᤖᤥ॥ ᤜᤧᤰᤁᤩᤠᤱ ᤁᤴ ᤔᤏᤠ᤺ᤴ ᤘᤣ᤺ᤳᤋᤧᤒᤠᤴᤏᤢ᤺ᤸᤗᤧᤀᤠᤱ ᤐᤕᤶ ᤕᤶᤒᤠ ᤕᤠ᤺ᤶᤒᤰᤜᤠ᤹ ᤀᤠᤒᤢᤃᤧᤴ ᤁᤢᤛ᤻ᤛᤠ᤺ᤴ ᤀᤥᤛᤣ᤺ᤴᤎᤠᤰᤋᤢᤒᤠ ᤁᤧᤏᤡ᤺ᤛᤢᤶᤔᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ ᤔᤠᤖᤥ॥

²¹ᤌᤣᤀᤠᤱᤓᤧᤸᤗᤧ ᤐᤠᤏᤢᤍᤡᤱ ᤐᤠ᤺ᤸᤗᤧ ᤁᤧᤛᤡ᤺ᤒᤠᤜᤠ᤹ ᤕᤠᤶᤔᤥ ᤜᤡᤱᤄᤢᤛᤡᤀᤠᤱ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤐᤡᤖᤢᤛᤡᤒᤠ ᤁᤢᤀᤡᤛᤡ᤺ᤰᤁᤣ ᤁᤢᤛ᤻ᤛᤠ᤺ᤸᤗᤧᤀᤠᤱ ᤏᤡᤱᤘᤠ᤹ ᤆᤥᤃᤢᤛᤡᤒᤠ ᤔᤏᤠᤜᤠ᤹ ᤏᤧᤳᤋᤡᤃᤧᤴ ᤜᤡᤱᤔᤴ ᤐᤡᤖᤢᤛᤡ᤹ᤖᤥ॥

²²ᤂᤧᤴᤏᤢ᤺ᤸᤗᤧᤀᤠᤱ ᤕᤖᤡᤰ ᤐᤠᤏᤢᤍᤡᤱ ᤐᤠ᤺ᤸᤗᤧ ᤜᤠ᤺ᤳᤋᤠᤱ ᤀᤠᤒᤠᤅᤣ ᤂᤠᤛᤧᤴ ᤔᤧᤈᤥᤃᤢᤴ. ᤁᤖ ᤁᤠᤰ ᤂᤠᤛᤧᤴ ᤆᤥ᤺ᤰᤔᤠ ᤕᤢᤰᤁᤡᤴ ᤁᤢᤛ᤻ᤛᤠ᤺ᤴ ᤐᤡᤖᤢᤀᤠᤱ ᤘᤠ᤹ᤖᤥ॥