19येशूसे थेनीगदेदा चुह्रङ् भिसी सुङ्जी, “च्यागो, एनीगदेसे ङाला ताम ङ्यान्गो, आबासे जुन जुन लबा म्राङ्ला झासेनोन थेनोन गे जे लला, तर झासे जे तिगै गे लबारी आखम। तिग्दा भिसम आबासे जुन गे लला झासेनोन थेनोन गे लला।
20तिग्दा भिसम आबासे झादा माया लसी ह्राङसे लबा जम्मान गे उन्ना। ओच्छे थेसे अझ चु भन्दान घ्रेन घ्रेन गे ह्राङला झादा उन्ना। ओच्छे एनीगदे उदेक तगै भिसी थेसे अझ चु भन्दा घ्रेन घ्रेन गे लला।
21आबासे सिबागदेदा सोना लसी जुकजुकधोनाला जुनी पिन्बा ह्रङ् लसी झासेनोन जुन म्हिदा सेम निला थेदा जुकजुकधोनाला जुनी पिन्ना।
22आबासे खालैलान निसाफ आल। तिग्दा भिसम जम्मादान निसाफ लबा अधिकार आबासे झादा पिन्बा मुला।