ᤔᤳᤋᤡ 7:15-23

¹⁵“ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤏᤢ ᤛᤡᤱᤛᤡᤱ ᤕᤧᤰᤕᤧᤰ ᤗ᤹ᤖᤧᤶᤔᤧ᤹ᤀᤥ. ᤂᤧᤱᤜᤠ᤹ᤃ ᤗᤠ᤺ᤰᤁᤠᤳᤗᤠᤶ ᤔᤧᤸᤗᤢᤰ ᤁᤢᤀᤡᤛᤡ᤺ᤰ ᤔᤧᤗᤧᤱᤛᤡᤱᤅᤠᤱ ᤂᤡᤏᤡ᤹ᤀᤥ ᤔᤧᤍᤠᤖᤥ. ᤁᤖ ᤛᤡᤃᤠᤱᤃ ᤂᤧᤱᤜᤠ᤹ ᤁᤡᤵᤔᤠ ᤁᤧᤄᤢ᤺ᤒᤠ ᤐᤖᤠᤒᤠᤛᤡᤖᤥ॥

¹⁶ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤕᤠ᤺ᤶᤒᤰᤁᤥᤗᤠᤶ ᤂᤧᤱᤜᤠ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤛᤡᤶᤗᤥ॥ ᤌᤣᤀᤠᤱᤓᤧᤸᤗᤧ ᤔᤏᤠᤜᤠ᤹ᤖᤧ ᤋᤡᤱᤃᤪᤣ᤺ᤰ ᤐᤥ᤺ᤰᤗᤠᤀᤥᤗᤠᤶ ᤆᤧᤸᤗᤧᤰᤛᤣ᤹ ᤏᤢ ᤛᤡᤎᤪᤠ᤺ᤰᤐᤥᤗᤠᤶ ᤐ᤺ᤳᤇᤣ᤹ᤀᤡᤴ ᤔᤧᤴᤍᤢᤒᤢᤴᤗᤥ॥

¹⁷ᤜᤧᤰᤁᤣᤗ᤹ᤖᤡᤰᤁᤣ ᤁᤧᤖᤧᤰ ᤏᤢ᤺ᤒᤠ ᤛᤡᤱᤒᤢᤱᤅᤥ ᤏᤢ᤺ᤒᤠᤀᤣ ᤛᤡᤱᤛᤣ᤹ᤀᤡᤴ ᤌᤥ᤺ᤰᤗᤥ. ᤜᤧᤰᤁᤩᤠᤱ ᤋᤠᤵᤑᤧ᤺ᤶᤒᤠ ᤛᤡᤱᤒᤢᤱᤅᤥ ᤋᤠᤵᤑᤧ᤺ᤶᤒᤠᤀᤣ ᤛᤡᤱᤛᤣ᤹ᤀᤡᤴ ᤌᤥ᤺ᤰᤗᤥ॥

¹⁸ᤜᤧᤰᤁᤩᤠᤱ ᤏᤢ᤺ᤒᤠ ᤛᤡᤱᤒᤢᤱᤅᤥ ᤋᤠᤵᤑᤧ᤺ᤶᤒᤠ ᤛᤡᤱᤛᤣ᤹ᤀᤡᤴ ᤔᤧᤎᤥ᤺ᤰᤏᤧᤴᤗᤥ. ᤜᤧᤰᤁᤩᤠᤱ ᤋᤠᤵᤑᤧ᤺ᤶᤒᤠ ᤛᤡᤱᤒᤢᤱᤅᤥ ᤏᤢ᤺ᤒᤠ ᤛᤡᤱᤛᤣ᤹ᤀᤡᤴ ᤔᤧᤎᤥ᤺ᤰᤏᤧᤴᤗᤥ॥

¹⁹ᤜᤧᤰᤁᤣᤗ᤹ᤖᤡᤰ ᤏᤢ᤺ᤒᤠ ᤛᤡᤱᤛᤣ᤹ ᤔᤧᤴᤎᤥ᤺ᤰᤔᤏᤠ ᤁᤧᤖᤧᤰ ᤛᤡᤱᤒᤢᤱᤜᤠ᤹ ᤋᤠᤱᤔᤠᤀᤠᤱ ᤔᤡᤀᤥ ᤗᤠᤵᤑᤢᤔᤠ ᤐᤥ᤺ᤱᤗᤥ॥

²⁰ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤕᤠ᤺ᤶᤒᤰᤁᤥᤗᤠᤶ ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤛᤡᤶᤗᤥ॥”

²¹ᤀᤠᤸᤗ “‘ᤀᤠᤍᤠᤱᤒᤣ. ᤀᤠᤍᤠᤱᤒᤣ’. ᤗ᤹ᤖᤡᤰ ᤕᤠᤵᤔᤡ ᤁᤧᤔᤧᤵᤐᤠᤜᤠ᤹ ᤁᤧᤖᤧᤰ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤥ ᤔᤧᤴᤗᤠ᤺ᤳᤏᤧᤴᤗᤥ. ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤁᤧᤈᤥ᤺ᤰᤐᤠᤜᤠ᤹ᤖᤰ ᤔᤧᤗᤠ᤺ᤳᤗᤥ॥

²²ᤂᤠᤛᤧᤴ ᤕᤧᤴᤏᤥ ᤕᤖᤡᤰ ᤔᤏᤠᤜᤠ᤹ ᤔᤧᤍᤠᤀᤠᤱ ᤀᤰᤂᤣ ᤔᤧᤔᤧᤳᤋᤠᤖᤥ. ‘ᤀᤠᤍᤠᤱᤒᤣ. ᤀᤠᤍᤠᤱᤒᤣ. ᤂᤧᤏᤧ᤹ ᤁᤧᤔᤡᤱᤅᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤐᤠᤖᤡᤃᤧᤖᤥ. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤔᤡᤱᤅᤥ ᤑᤧᤴᤛᤠᤶᤜᤠ᤹ ᤏᤠ᤺ᤳᤋᤢᤶ ᤗ᤺ᤳᤋᤢᤶᤛᤡᤶᤒᤧᤀᤠᤱ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤶᤒᤧᤖᤥ॥’

²³ᤁᤖ ᤂᤧᤴ ᤕᤧᤶᤔᤥ ᤂᤧᤱᤜᤠ᤹ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤢᤱᤛᤡᤱ. ‘ᤂᤡᤏᤡ᤹ᤃ ᤀᤠᤵᤑᤠᤸᤗᤧᤀᤠᤱ ᤁᤢᤛᤡᤱ ᤏᤡ᤺ᤳᤏᤡᤱᤒᤠ ᤜᤥ᤺ᤵᤗᤥ॥ ᤂᤡᤏᤡ᤹ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤔᤧᤴᤈᤥ᤺ᤰᤁᤣ ᤑᤧᤴ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤛᤣ. ᤁᤵᤔᤥᤗᤠᤶ ᤐᤣᤃᤧᤶᤔᤧ᤹᥄’”