ፒልጲሲዮሴ ዓሶም 3

1

2

3

4

¹ዓካሪ ታ ዒሾንሦ! ታ ሚሾንሦ! ጎዳና ዎዛዹዋቴ፤ ዬያ፥ ታኣኒ ቤርታ ፃኣፔ ባኮ ላሚ ፃኣፓኒ ታና ዒሡዋሴ፤ ዒንሢ ዬይ ዻቢንቲፓ ካፓኒ ዳንዳዓኔ።

²ካናቶጉዲ ፑርቶ ማዾ'' ማዻ ዓሶይዳፓ ዒንሢና ካፑዋቴ፤ ዬያታ ዓቲንቴ ቤርቲ ቲቂሢ ኮይሳያኬ ጌይ ዔርዛዞንሢኬ።

³ኑኡኒ ዓያናና ፆኦሲ ካኣሽካያ፥ ዙልካ ዓሲም ጴዻ ዎጌና ማዒባኣንቴ ዬሱስ ኪሪስቶሴና ሌሊ ሄርሺንታያ ማዔሢሮ ጎኑሞና ዓቲንቴ ቤርቲ ኑ ቲቂንቴያኬ።

⁴ዓሲም ጴዻ ባኣዚ''ና ሄርሺንታኒ ኮይሳያ ማዔቴ ሚርጌ ባኣዚ''ና ታ ሄርሺንታኒ ዳንዳዓኔ፤ ዓሲ ቤርቲዳ ጴዻ ባኣዚ''ና ሄርሺንታኒ ጋዓይ ዓኣቶ ታ ዒዛፓ ባሼ ሄርሺንታንዳ ሚርጌ ባኣዚ'' ታኣኮ ዓኣኔ።

⁵ታኣኒ ሾይንቴስካፓ ሳላ''ሳ ኬሎ''ና ዓቲንቶ ቤርቶ ቲቂንቴኔ፤ ሃሣ ቢኢኒያሜ ዜርሢ ማዔያ፥ ታኣኒ ዒስራዔኤሌ ዓሲኬ፤ ዬያጉዲ ሃሣ ዔብሬ ዓሲ ታ ማዔሢኮ ዖኦጪሳ ባኣዚ'' ባኣያኬ፤ ጊንሣ ዓይሁዶ ዎጎ ካፒፆ ዛሎ'' ማዔቴ ታ ፔርሴ ዓሶይዳፓኬ።

⁶ፆኦሲ ካኣዦ ሚጪንቶ ዛሎ'' ማዔቴ ዬሱስ ኪሪስቶሴ ጉሙርቃዞንሢ ዒፂ ታ ዳውሳሢኬ፤ ሃሣ ዎጌ ካፒሢና ፂሊ''ሢ ዛላ ማዔቴ ዔኤቢ ቦሂሳ ባኣዚ'' ባኣያ ታ ናንጋያኬ።

⁷ጋዓንቴ ሃያኮ ቤርታ ታኣም ኮይሳያኬ ጌዒ ታ ጉሙርቃ ባኮ ቢያ ኪሪስቶሴሮ ጌዒ ዔኤቢ ፓሡዋ ባኣዚ'' ማሂ ታ ዛጋኔ።

⁸ታ ጎዳሢ ዬሱስ ኪሪስቶሴ ዔሪፃፓ ባሼ፥ ሜሌ'' ዓይጎ ባኣዚ''ያ ባኣሢ ታ ጉሙርቃሢሮ ቢያ ባኣዚ'' ዔኤቢ ፓሡዋያ ማሂ ታ ዛጊ ዒዛሮ ጌዒ ቢያ ባኣዚ'' ታ ሃሼ''ኔ፤ ሃሣ ዒዛ ዴንቃኒ ጌዒ ቢያ ባኣዚ'' ፒፆ''ና ቡኡራጉዲ ማሂ ታ ዛጋኔ።

⁹ዬያ ታ ማዻሢ ዎጌ ካፒሢና ጴዻ፥ ታ ቶኦኮ'' ፂሉ''ሞናቱዋንቴ ጉሙርቂሢና ጴዻ ፂሉ''ሞ ኪሪስቶሴ ዛሎ''ና ዴንቃኒና ዒዛና ዎላ'' ማዓኒኬ።

¹⁰ሃሣ ኪሪስቶሴንታ ዒዛኮ ሃይባ''ፓ ዔቂፆ ዎልቆንታ ዔራኒ፥ ሃሣ ዒዛኮ ሃይቦ''ናኣ ዒዛ ማላኒና ሜታሢያ ዒዛና ዎላ'' ዔካኒኬ።

¹¹ዬያጉዲ ሃይቄሢኮ ጊንፃ ዔቂ፥ ናንጊና ሼምፔና ናንጋኒ ሃጊ ማዓንዳ ዎዛ ታ ጌሣኔ።

¹²ዬያ ቢያ ሃጊ ታ ዴንቂባኣሴ፤ ሃሣ ዬያ ቢያ ታ ኩንሤኔ ጋዓኒ ዳንዳዑዋሴ፤ ማዔቴያ ዬሱስ ኪሪስቶሴ ታና ዒዛም ማሂ፥ ታኣም ዒንጋኒ ጊኢጊሼ ባኮ ዔካኒ ሴካ ቤርቲም ዶዲ ታ ጳዦይዳኬ።

¹³ታ ዒሾንሦ! ታ ሚሾንሦ! ሃሢ ታ ዒኢካ ሄሌ''ኔ ታና ታ ጎዑዋሴ፤ ጋዓንቴ ፔቴ'' ባኣዚ'' ታ ማዻኔ፤ ዬይያ፦ ታኣኮ ጊንፃ ዓኣ ባኮ ታ ሃሺ'' ሃሺ'' ቤርታ ዓኣሢ ዴንቃኒ ዶዲ ታ ማዻኔ።

¹⁴ታኣም ዒንጊንታ ባኮ ዔካኒ፥ ታኣኮ ቤርታ ሄሎ''ም ጌሦና ቤዞ ታ ጳሽካኔ፤ ዬይ ታኣም ዒንጊንታንዳሢ' ፆኦሲ ዬሱስ ኪሪስቶሴ ዛሎ''ና ሌካ ታና ዔኤሊ'' ዒንጋንዳ ሼምፖኬ።

¹⁵ዓካሪ፡ ዓያኖ ናንጎና ዶዶ ዓሳ፥ ኑኡኒ ቢያ ዬያጉዴ ማሊሢና ናንጋንዳያ ኮይሳኔ፤ ዒንሢ ዱማሳ ማሊሢ ባኣካ'' ማዢንቴቴ ዬያ ማሊፆዋ ፆኦሲ ዒንሢም ፔጋሳንዳኔ።

¹⁶ዬይ ያዺ ማዔቴያ ኑኡኮ ዬይ ናንጋ፡ ኑ ሃሢ ናንጋ ዓያኖ ናንጎና ዎላ'' ሄኮ ማዖንጎ።

¹⁷ታ ዒሾንሦ! ታ ሚሾንሦ! ታ ማዼ ባኮ ዛጊ ማዺሢና ሓንጎ ዓሶና ዎላ'' ፔቴ'' ማዑዋቴ፤ ሓሣ ኑ ማዼ ባኮ ዛጊ ሓንታ ዓሶዋ ቢያ ዒናፓ ኮሺ'' ዛጉዋቴ።

¹⁸ሃያኮ ቤርታ ሚርጌ ዎዴ ታ ኬኤዜሢጉዲ ሃሢያ ታ ዬኤኪ ዬኤኪ ዒንሢም ኬኤዛ ጎይፆ ሚርጌ ዓሳ ኪሪስቶሴ ፑርቲሴ ዓሶ ሱፆ ሚፃ ሓይቄ ሓይቦኮ ሞርኬ ማዔኔ።

¹⁹ዔያቶኮ ፆኦዛሢ ጎጲኬ፤ ሃሣ ቦርሲሳያ ማዔ፥ ፑርቶ ባካ ዔያቶኮ ቦንቾኬ፤ ባሼ ዔያቶኮ ማሊፃ ሳዓይዳ ዓኣ ባኣዚ''ዳኬ፤ ዬያሮ ጋፒንፃ ዔያቶኮ ባይሲንታኬ ጌይሢኬ።

²⁰ኑኡኒ ጋዓንቴ ጫሪንጮ ዓጪ ዓሲኬ፤ ዒኢካፓ ሙካንዳ ዼኤሻሢ፥ ኑ ጎዳሢ፥ ዬሱስ ኪሪስቶሴ ጶቂሢ ኑ ካፓያኬ።

²¹ዒዚ ሃያ ኑኡኮ ላቤ''ያ ማዔ፥ ሓይቃ ዑፆ ላኣሚ ዒዛኮ ቦንቺንታ ዑፆ ማላያ ማዓንዳጉዲ ማሃንዳኔ፤ ዬያ ዒ ማዻንዳሢ' ቢያሢ ዒዛ ቢታንቶ ዴማ'' ማዒ ዎርቃንዳጉዲ ማሃ ዎልቆናኬ።