ዮሃኒሳ 8:34-40 - ኦራꬃ ጫቆ ማፃፋ ጋሞꬆ

³⁴ዬሱሲካ ኢስታስ “ታ ኢንቴስ ቱሙ ጋይስ፤ ናጋራ ኦꬂዛዴይ ዉሪ ናጋራስ ኣይሌ፤

³⁵ኣይ ዎዴካ ኣይሌይ ሶን ሉፂ ዴዔና። ዬሎይ ጊዲኮ ኣይዴካ ሶን ዴስ።

³⁶ሂስቲኮ ናዚ ኢንቴና ዎዚኮ ኢንቴ ዎዜቲዳይታ ጊዳና።

³⁷ኢንቴ ኣብራሃሜ ናይታ ጊዲዳይሳ ታ ኤራይስ። ጊዶ ኣቲን ታ ቃላ ኢንቴ ኤሮ ጊ ኤኮንታ ጊሽ ታና ዎꬋናስ ኮዬታ።

³⁸ታኒ ታ ኣዋ ኣቻን ቤዪዳይሳ ኢንቴስ ዮታይስ። ኢንቴ ቃሴ ኢንቴ ኣዋፔ ሲዪዳይሳ ኦꬄታ” ጊዴስ።

³⁹ኢስቲካ ኢዛስ “ኑ ኣዋይ ኣብራሃሜ” ጊዲ ዛሪ ዮቲን፥ ዬሱሲ ኢስታስ “ኢንቴ ኣብራሃሜ ና ጊዲዳኮ ኣብራሃሜꬆ ኦꬃና።

⁴⁰ኢንቴ ጊዲኮ ታ ፆሳፌ ሲዪዳ ቱማ ኢንቴስ ዮቲን ታና ዎꬋናስ ጊፂ ዴንዲዴታ። ጊዶ ኣቲን ኣብራሃሜይ ሄሳꬆ ኦꬂቤና።