ዮሃኒሳ 8:21-26 - ኦራꬃ ጫቆ ማፃፋ ጋሞꬆ

²¹ዬሱሲ ቃሴካ “ታ ባና ሺን ኢንቴ ታና ኮያናኔ ኢንቴ ኢንቴ ናጋራራ ሃይቃና ኣቲን ታ ቢዛሶ ባና ዳንዳዬኬታ” ጊዴስ።

²²ኣይሁዳቲካ ባ ጊዶን ኢሶይ ኢሳራ ኢዚ “ ‘ታ ቢዛሶ ኢንቴ ባና ዳንዳዬኬታ’ ጊዛይ ባርካ ባና ዎꬋናሴሻ?” ጌቴቲዳ።

²³ኢዚ ቃሴ ኢስታ “ኢንቴ ጋርሳ ኣሳ፤ ታኒ ቦላ ኣሳ፤ ኢንቴ ሃይሳ ኣላሜ ኣሳ፤ ታኒ ሃ ኣላሜፔ ጊዲኬ።

²⁴ኢንቴ ታ ኦናኮኔ ኤሪዲ ኣማኖንታ ኣጊኮ ኢንቴ ኢንቴ ናጋራራ ሃይቃና ጊሽ ታ ኢንቴ ኢንቴ ናጋራራ ሃይቃና ጊዳይ ሄሳ ጊሻሳ” ጊዴስ።

²⁵ኢስቲካ ኢዛ “ኔ ኦኔ?” ጊዳ። ዬሱሲካ ኢስታስ “ሃዒ ጋካናስ ታ ኢንቴስ ኢዛ ጊሽ ዮቲዛዴይ ታና።

²⁶ታ ኢንቴ ቦላ ሃሳያናይሲኔ ፒርዳዛ ዮዖይ ዳሮይ ዴስ። ጊዶ ኣቲን ታና ኪቲዳዴይ ኣማኔቲዳዴ፤ ታካ ኢዛፔ ሲዪዳይሳ ሃ ኣላሜዛስ ዮታይስ” ጊዴስ።