33ሄ ዎዴ ዬሱሲ “ታ ኢንቴናራ ጉꬃ ዎዴ ዳሻና፤ ሄሳፌ ጉዬ ታና ኪቲዳይሳኮ ታ ሲማ ባና።
34ኢንቴ ታና ኮያና ሺን ዴሜኬታ። ኢንቴ ታ ዲዛሶ ያናስ ዳንዳዬኬታ” ጊዴስ።
35ሄሳ ጊሽ ኣይሁዳታ ዳናቲ ባ ጊዶን ኢሶይ ኢሳራ “ሃይሲ ኣዴዚ ኑ ዴሞንታ ማላ ኣዋ ባኔሻ? ኦኔ ኤሪዛይ ጊሪኬታ ጊዶ ላሌቲ ዲዛ ኣይሁዳታኮ ቢዲ ጊሪኬታ ታማርሳኔሻ?
36ኢዚ ‘ኢንቴ ታና ኮያና ሺን ዴሜኬታ፤ ታ ዲዛሶ ኢንቴ ያናስ ዳንዳዬኬታ’ ጊሺን ሄሲ ኣይ ጉሴ?” ጊዳ።
37ጊታ ባዓሌዛ ዉርሴꬃ ጋላስ ዬሱሲ ዴንዲ ኤቂዲኔ ባ ቃላ ꬎቁ ሂስቲዲ “ሃꬅ ሳሜቲዳዴይ ዲኮ ሃ ታኮ ዪዲ ኡዮ።
38ጌሻ ማፃፋይ ጊዳ ማላ ታና ኣማኒዛዴፌ ዴዖ ሃꬃ ፑልቶይ ፑልታና” ጊዴስ።
39ኢዚ ሄሳ ጊዳይ ኢዛን ኣማኒዛይቲ ቡሮፔ ኤካና ፂሎ ኣያና ጊሻሳ። ጋሶይካ ዬሱሲ ቦንቼቲዛ ዎዴይ ቡሮ ጋኮንታ ጊሽ ፂሎ ኣያናይ ኢሜቲቤና።
40ሄሳ ጊሽ ዴሬዛፔ ኢሲ ኢሲ ኣሳቲ ሄ ቃላ ሲይዲ “ያና ጊዛ ናቤይ ቱማፔ ሃይሳ” ጊዳ።
41ሃራቲ “ሃይስ ፆሲ ኪቲዳዴ” ጊዳ። ባጋይቲ ቃሴ “ፆሲ ኪቲዳዴይ ጋሊላፔ ዋኒ ያኔ?
42ፆሲ ኪቲዳዴይ ዳዉቴ ዜሬꬃፌ ዬሌታናይሳኔ ዳዉቴ ካታማ ቤቴሌሜፔ ያናይሲ ካሴ ጌሻ ማፃፋን ፃፌቲቤኔ?” ጊዳ።
43ሄሳ ጊሽ ኢዛ ጋሶን ዴሬይ ባ ጊዶን ሻኬቲ ዎꬊዴስ።
44ኢስታፌ ኢሲ ኢሲ ኣሳቲ ኢዛ ኦይካና ኮይዳ። ጊዶ ኣቲን ኦኒካ ኢዛ ኦይኪቤና።
ዮሃኒሳ 7
ዮሃኒሳ 7:33-44