6ሄ ቤሳን ያይቆባ ሃꬃ ኦላይ ዴዔስ። ዬሱሲ ሃሙꬃን ዳቡሪዲ ሄ ሃꬃ ኦላ ማታን ኡቲስ። ሄ ዎዴ ሳዓይ ኡሱፑን ሳቴ ሄራ።
7ኢሲ ሳማሬ ካታማ ማጫስ ሄ ኦላፌ ሃꬄ ቲካናው ያሱ። ዬሱሲ ሄ ማጫሴኮ፥ «ታና ሃꬄ ኡሻርኪ» ያጊስ።
8ሄ ዎዴ ዬሱሳ ታማሬቲ ካꬂ ሻማናው ካታማ ቢዶሶናሺን።
9ሄ ማጫሲያ ዛራዳ፥ «ኔኒ ኣይሁዴ ኣሴ ጊዳሼ፥ ሳማሬ ማጫስ ጊዲያ ታና ዋናዳ ሃꬄ ኡሻ ጋይ?» ያጋሱ። ሄሳ ኢያ ጊዳይ ኣይሁዴቲ ሳማሬታራ ጋሄቶና ጊሾሳ።
10ዬሱሲ ዛሪዲ፥ «ኔኒ ፆሳ ኢሞታኔ ሃꬄ ታና ኡሻ ጌይሲ ኦኔኮ ኤሪዳባ ጊዲያኮ ኢያ ኔ ዎሳና፤ ኢካ ኔው ዴዖ ኢሚያ ሃꬂ ኢማናሺን» ያጊስ።
11ማጫሲያ ዛራዳ፥ «ጎዳው፥ ኔው ዱቂያባይ ባዋ፤ ኦላይካ ዚቃ። ያቲን፥ ዴዖ ኢሚያ ሃꬂ ኔ ኣዉፔ ኤካኔ?
12ኑስ ሃ ሃꬃ ኦላ ኢሚዳ ኑ ኣዋ ያይቆባፔ ኔኒ ኣꬋይ? ኢ፥ ኢያ ናይቲኔ ኢያ ሜሄይ ሃ ኦላፌ ኡዪዶሶና» ያጋሱ።
13ዬሱሲ፥ «ሃ ሃꬃፌ ኡዪዳ ኦኒካ ዛሪ ሳሞታና።
14ሺን ታኒ ኢማና ሃꬃ ኡያ ኦኒካ ኡባካ ሳሞቴና። ታኒ ኢማና ሃꬃይ ኢያ ጊዶን ሜሪና ዴዖ ኢሚያ ጎጊያ ፑልቶ ጊዳና» ያጊስ።
15ማጫሲያ ዛራዳ፥ «ጎዳው፥ ታኒ ሳሞቶና ሜላኔ ሃꬄ ቲካናው ሃ ቤሳ ዮና ሜላ ታው ሄ ሃꬃ ኢማ» ያጋሱ።
16ዬሱሲ ኢኮ፥ «ባዳ ኔ ኣዚና ፄጋዳ ያ» ያጊስ።
17ማጫሲያ ዛራዳ፥ «ታው ኣዚኒ ባዋ» ያጋሱ። ዬሱሲ ኢኮ፥ «ታው ኣዚኒ ባዋ ጉሳን ባላባካ።
ዮሃኒሳ 4
ዮሃኒሳ 4:6-17