ዮሃኒሳ 3:11-17 - ኦራꬃ ጫቆ ማፃፋ ጋሞꬆ

¹¹ታ ኔስ ቱሙ ጋይስ፤ ኑኒ ኑ ኤርዛይሳ ዮቶስ። ኑ ቤዪዳይሳ ማርካቶስ ጊዶ ኣቲን ኢንቴ ኑ ማርካቴꬅ ኤኬኬታ።

¹²ታ ኢንቴስ ሃይሳ ሃ ቢታ ዮዖ ዮቲን ኣማኖንታ ኢፂኮ ሳሎ ሚሽ ዮቲኮ ዎስቲ ኢንቴ ኣማናኔ?

¹³ሳሎፔ ዱጌ ዎꬊዳ ኣሳ ናፔ ኣቲን ፑዴ ሳሎ ኬዚዳይ ሃራይ ኦኒካ ዴና።

¹⁴“ባዞ ቢታን ሙሴይ ሾሽ ꬎቁ ሂስቲ ካቂዳይሳꬆ ሄሳꬆካ ኣሳ ናይ ꬎቃሶን ካቄታናስ ቤሴስ።

¹⁵ሄሲካ ኢዛን ኣማኒዛዴይ ዉሪካ ሜርና ዴዖ ዴማናሳ።

¹⁶ፆሳ ና ኣማኒዛይ ዉሪ ሜርና ዴዖ ዴማናፔ ኣቲን ꬋዮንታ ማላ ፆሲ ሃይሳ ኣላሜዛ ዳሮ ሲቂዳ ጊሽ ባ ሜፂ ኢሲ ናዛ ኢሚዴስ።

¹⁷ፆሲ ባ ናዛ ሃ ዱጌ ኣላሜ ኪቲዳይ ኣላሜ ኣሳይ ኢዛን ኣማኒዲ ኣታና ማላሳ ኣቲን ኢዚ ኣላሜ ኣሳ ቦላ ፒርዳናስ ጊዴና።