ዬሱሲ ኪቴዳዋንቱ ኦሱዋ 20:28-38

²⁸«ዬሱሲ ባሬ ሱꬃን ዎዜዳ ፆሳ ኣማኒያዋንታ ናጊቴ፤ ቃሲ ጌሻ ኣያናይ ሂንቴንታ ካፓቱዋ ኦꬂዴ ሱንꬄዳ ዉዲያ ኡባኔ ሂንቴንቱ ሁጲያ ናጊቴ።

²⁹ታኒ ቤዳዋፔ ጉዪያን፥ ዉዲያሲ ቃሬቴና ኢታ ዎራካናቱ ሂንቴንቱ ጊዶ ጌላናዋንታኔ፥ ካሊያዋንታ ባሬንቱ ጌዱዋ ካሌꬃናው ዎርዱዋ ሃሳዪያ ኣሳቱ ሂንቴንቱ ጊዶፔ ዴንዳናዋ ኤራይ።

³¹ሄዋ ዲራው፥ ታኒ ሄዙ ላይꬃ ቃማኔ ጋላሳ ኣፎꬃኒ ሂንቴንታ ሁጲያን ሁጲያን ሚኒሲያዋ ኣጋቤናዋ ቆፒዴ ጌንጪቴ።

³²«ሃዒካ ሂንቴንታ ሚኒሳናዉኔ ጌሻ ኣሳ ኡባ ጊዶን ላቲሳናው ዳንዳዪያ ፆሳሲኔ ኣ ኣꬎ ኬካቴꬃ ቃላሲ ሂንቴንታ ሃዳራ ኢማይ።

³³«ታኒ ኦፔኔ ቢራ ዎይ ዎርቃ ዎይ ማዩዋ ኣሞታቤይኪ፤

³⁴ታኒ ሃ ታ ኩሺያን ታናኔ ታናና ኢቲፔ ዴዒያዋንታ ኮሼዳዋ ኦꬄዳዋ ሂንቴንቱ ሂንቴንቱ ሁጴው ኤሪታ።

³⁵ሂንቴንቱ ሃዋዳን ዳቡሪ ኦꬂዴ፥ ዳቡራንቻቱዋ ማዳናሲኔ ጎዳ ዬሱሲ ባሬ ሁጴው፥ ‹ኣኪያዋፔ ኢሚያዌ ኣንጄቴዳዋ› ጌዳዋዳን፥ ኣ ቃላ ሂንቴንቱ ዎዛና ኣꬃናው ቤሲያዋ ታኒ ጮራ ኦጊያን ሂንቴንታ ቤሳዲ» ያጌዳ።

³⁶ጳዉሎሲ ሄዋ ሃሳይ ዉርሲዴ፥ ኡንቱንቱ ኡባና ኢቲፔ ጉልባቲዴ፥ ፆሳ ዎሴዳ።

³⁷ኡንቱንቱ ኡባይ ጳዉሎሳ ኢዲሚዴ፥ ዬኪዴ ዬሬዲኖ።

³⁸ኡባፔ ኢ፥ «ታና ላዔꬁዋ ኡባካ ቤዒኪታ» ያጌዳ ቃላይ ኡንቱንታ ዳሮ ቃሬꬂና ማርካቢያ ጋካናው ኣ ሞዪዜዲኖ።