ቲታ 3

1

2

3

¹ኡንቱንቱ ሞዲያዋንቱሲኔ ማታይ ዴዒያዋንቱሲ ሞዴታናው፥ ኣዛዜታናዉኔ ሎዖ ኦሱዋ ኡባ ኦꬃናው ጊጌታናዳን ኡንቱንታ ሃሳዪሳ፤ ቃሲ ኡንቱንቱ ኦ ቦላኒኔ ኢታ ቃላ ሃሳዬና ማላ፥ ኦናናኔ ዋላቄቴና ማላ፥ ኣሳ ኡባ ኣሺኬቴꬃኔ ሲጋቴꬃ ቤሲያዋንታ ጊዳናዳን ዞራ።

³ኣዪሲ ጎፔ፥ ኑኒ ካሴ ኑ ሁጴዉካ ኤያቱዋ፥ ኣዛዜቴናዋንታ፥ ባሊያዋንታኔ ኣሙዋሲኔ ዱማ ዱማ ናሼቻሲ ኣዪሊያዳን ሞዴቲያዋንታ፤ ቃሲ ኢታቴꬃኒኔ ቃናቲያን ዴዒያዋንታ፤ ኣሳን ኢፄቲያዋንታኔ ኢቱ ኢቱዋካ ኢፂያዋንታ።

⁴ሺን ኑና ኣሺያ ፆሳ ኬካቴꬃይኔ ኣሳ ኢ ሲቂያ ሲቁ ቆንጬዳ ዎዴ፥

⁵ኢ ባሬ ማሮቴꬃዳንካ፥ ኦራꬃ ዬሌቱሳን ሃኔዳ ጌዩሳኒኔ ጌሻ ኣያናን ኦራፄዳዋን ኑና ኣሼዳዋፔ ኣቲን፥ ኑኒ ፂሎ ኦሱዋ ኦꬄዳዋና ጊዴና።

⁶ፆሳይ ባሬ ኣꬎ ኬካቴꬃን ኑኒ ፂላናዳኒኔ፥ ኢ ኢማና ጌዳ ሜꬊና ዴዑዋ ላታናዳን፥ ኑና ኣሺያ ዬሱሲ ኪሪስቶሳ ባጋና ጌሻ ኣያና ኑ ቦላ ዳሪሲዴ ቲጌዳ።

⁸ሃ ሃሳያይ ኣማኔቴዳዋ፤ ፆሳ ኣሳቱ ሎዖ ኦሱዋ ኦꬃናው ጊጋናዳን፥ ሃ ዬዉዋ ኡንቱንቱሲ ኔኒ ሚኒሳዴ ኦዳናው ኮያይ፤ ሃዋንቱ ኣሳው ሎዓኔ ጎዒያዋንታ።

⁹ሺን ኤያቴꬃ ፓሉማፔ፥ ዛሪያ ፓይዲያዋፔ፥ ዋላሳፔኔ ሂጊያባን ዋላቄቲያዋፔ ናጌታ። ኣዪሲ ጎፔ፥ ሄዋንቱ ጎዔናዋንታኔ ማዴናዋንታ።

¹⁰ሻኮቴꬃ ሜꬊያ ኡራይ ጌላ ኣሳ ጊዲያዋኔ ባሬ ሁጲያን ፒርዲዴ ናጋራ ኦꬂያዋ ኤራዴ፥ ኢቲ ጌዴ ዎይ ላዑ ጌዴ ኣ ሴሬዳዋፔ ጉዪያን፥ ሄዋ ማላቲያ ኣሳፔ ሻኬታ።

¹²ታኒ ኣርፄማሳ ዎይ ቲኪቆሳ ኔኮ ኪቲያ ዎዴ፥ ኔኒ ታኮ ኒቆጲሊዮና ያናው ሚና። ኣዪሲ ጎፔ፥ ታኒ ባልጉዋ ያኒ ሻጫናው ቆፋ ቃቻዲ።

¹³ሂጊያ ኤሪያ ዜናሲኔ ኣጲሎሲ ኦጊያ ቢያ ዎዴ፥ ኡንቱንቱሲ ኣያይኔ ፓጬና ማላ፥ ኡንቱንታ ሎይꬃ ማዳ።

¹⁴ኑ ኣሳይካ ማዴና ኣሳ ጊዲዴ ኣቴና ማላ፥ ባሬንታ ሎይꬂ ኮሺያዋ ዴማናው፥ ሎዖ ኦሱዋ ሚኒዴ ኦꬂያዋ ታማሪኖ።

¹⁵ታናና ዴዒያ ኡባቱ ኔና ሳሮ ሳሮ ጌዲኖ። ኑና ኣማኑዋን ሲቂያዋንታ ሳሮ ሳሮ ጋ። ፆሳ ኣꬎ ኬካቴꬃይ ሂንቴናና ኡባና ኢቲፔ ጊዶ። ኣሜንዒ።