10ኢፃናይ ጩዊያ ዎዴ ኣሳይ ኡባይ ካሬን ኤቂዴ ዎሲ ዴዔ።
11ጎዳ ኪታንቻይ ኢፃና ያርሹዋሳፔ ኡሼቻና ኤቂዴ ኣው ቤቴዳ።
12ዛካራሲካ ቤዔዳ ዎዴ ዳጋሚዴ ያሻን ሚቴቴዳ።
13ኪታንቻይካ ቃሲ ያጌዳ፥ «ዛካራሳ፥ ያዮፓ፤ ኔ ዎሳይ ሲሴቴዳ፥ ኔ ማቻታ ኤልሳቤፃ ኣቱማ ናዓ ዬላናዉኑ።
14ኣ ዬሌታን ናሼታይኔ ኢሻሉ ኔው ሃናናዋ፤ ጮራቱካ ኢ ዬሌቶ ዲራው ሃሹ ጋናዋንታ፤
15ኢካ ጎዳ ሲንꬃን ዳራ ጊዳናዋ። ማꬆዪያ ዎዪኒያ ኡሻ ጊዶ ሃራ ማꬆዪያ ኡሻ ኣይኔ ኡሼና፤ ባሬ ዳይ ኡሉዋን ዴዒሺን ኣያና ጌሻይ ኣኒ ኩማናዋ።
16«ኢስራዔሊያ ኣሳቱዋፔካ ጮራቱዋ ኡንቱንቱ ጎዳ ፆሳኮ፥ ኢ ዛራናዋ።
17ኢካ ጊጌና ኣሳ ጎዳው ጊጊሳናው፥ ኣዋቱዋ ዎዛና ናናቱዋኮ፥ ኣዛዜቴናዋንታካ ፂሎቴꬃ ኤራኮ ዛራናው፥ ኤላሳ ኣያናኒኔ ዎልቃን ጎዳፔ ሲንꬃና ቤ።»
18ዛካራሲካ ኪታንቻ፥ «ታኒ ጪማዲ፥ ታማቻታካ ባሬ ላይꬃን ሱጌዳዉኖ፥ ሃዋ ታኒ ኣያን ኤራኒታ?» ጌዳ።
19ኪታንቻይካ ዛሪዴ፥ «ታኒ ፆሳ ሲንꬃን ኤቂያ ጋብሬላ፤ ሃዋ ሚሺራቹዋ ኔው ኦዳናው ኔኮ ኪቴታዲ፤
ሉቃሳ 1
ሉቃሳ 1:10-19