ལཱུཀཿ 9:4-55

⁴ཡཱུཡཉྩ ཡནྣིཝེཤནཾ པྲཝིཤཐ ནགརཏྱཱགཔཪྻྱནཏཾ ཏནྣིཝེཤནེ ཏིཥྛཏ།

⁵ཏཏྲ ཡདི ཀསྱཙིཏ྄ པུརསྱ ལོཀཱ ཡུཥྨཱཀམཱཏིཐྱཾ ན ཀུཪྻྭནྟི ཏརྷི ཏསྨཱནྣགརཱད྄ གམནཀཱལེ ཏེཥཱཾ ཝིརུདྡྷཾ སཱཀྵྱཱརྠཾ ཡུཥྨཱཀཾ པདདྷཱུལཱིཿ སམྤཱཏཡཏ།

⁶ཨཐ ཏེ པྲསྠཱཡ སཪྻྭཏྲ སུསཾཝཱདཾ པྲཙཱརཡིཏུཾ པཱིཌིཏཱན྄ སྭསྠཱན྄ ཀརྟྟུཉྩ གྲཱམེཥུ བྷྲམིཏུཾ པྲཱརེབྷིརེ།

⁷ཨེཏརྷི ཧེརོད྄ རཱཛཱ ཡཱིཤོཿ སཪྻྭཀརྨྨཎཱཾ ཝཱརྟྟཱཾ ཤྲུཏྭཱ བྷྲྀཤམུདྭིཝིཛེ

⁸ཡཏཿ ཀེཙིདཱུཙུཪྻོཧན྄ ཤྨཤཱནཱདུདཏིཥྛཏ྄། ཀེཙིདཱུཙུཿ, ཨེལིཡོ དརྴནཾ དཏྟཝཱན྄; ཨེཝམནྱལོཀཱ ཨཱུཙུཿ པཱུཪྻྭཱིཡཿ ཀཤྩིད྄ བྷཝིཥྱདྭཱདཱི སམུཏྠིཏཿ།

⁹ཀིནྟུ ཧེརོདུཝཱཙ ཡོཧནཿ ཤིརོ྅ཧམཚིནདམ྄ ཨིདཱནཱིཾ ཡསྱེདྲྀཀྐརྨྨཎཱཾ ཝཱརྟྟཱཾ པྲཱཔྣོམི ས ཀཿ? ཨཐ ས ཏཾ དྲཥྚུམ྄ ཨཻཙྪཏ྄།

¹⁰ཨནནྟརཾ པྲེརིཏཱཿ པྲཏྱཱགཏྱ ཡཱནི ཡཱནི ཀརྨྨཱཎི ཙཀྲུསྟཱནི ཡཱིཤཝེ ཀཐཡཱམཱསུཿ ཏཏཿ ས ཏཱན྄ བཻཏྶཻདཱནཱམཀནགརསྱ ཝིཛནཾ སྠཱནཾ ནཱིཏྭཱ གུཔྟཾ ཛགཱམ།

¹¹པཤྩཱལ྄ ལོཀཱསྟད྄ ཝིདིཏྭཱ ཏསྱ པཤྩཱད྄ ཡཡུཿ; ཏཏཿ ས ཏཱན྄ ནཡན྄ ཨཱིཤྭརཱིཡརཱཛྱསྱ པྲསངྒམུཀྟཝཱན྄, ཡེཥཱཾ ཙིཀིཏྶཡཱ པྲཡོཛནམ྄ ཨཱསཱིཏ྄ ཏཱན྄ སྭསྠཱན྄ ཙཀཱར ཙ།

¹²ཨཔརཉྩ དིཝཱཝསནྣེ སཏི དྭཱདཤཤིཥྱཱ ཡཱིཤོརནྟིཀམ྄ ཨེཏྱ ཀཐཡཱམཱསུཿ, ཝཡམཏྲ པྲཱནྟརསྠཱནེ ཏིཥྛཱམཿ, ཏཏོ ནགརཱཎི གྲཱམཱཎི གཏྭཱ ཝཱསསྠཱནཱནི པྲཱཔྱ བྷཀྵྱདྲཝྱཱཎི ཀྲེཏུཾ ཛནནིཝཧཾ བྷཝཱན྄ ཝིསྲྀཛཏུ།

¹³ཏདཱ ས ཨུཝཱཙ, ཡཱུཡམེཝ ཏཱན྄ བྷེཛཡདྷྭཾ; ཏཏསྟེ པྲོཙུརསྨཱཀཾ ནིཀཊེ ཀེཝལཾ པཉྩ པཱུཔཱ དྭཽ མཏྶྱཽ ཙ ཝིདྱནྟེ, ཨཏཨེཝ སྠཱནཱནྟརམ྄ ཨིཏྭཱ ནིམིཏྟམེཏེཥཱཾ བྷཀྵྱདྲཝྱེཥུ ན ཀྲཱིཏེཥུ ན བྷཝཏི།

¹⁴ཏཏྲ པྲཱཡེཎ པཉྩསཧསྲཱཎི པུརུཥཱ ཨཱསན྄།

¹⁵ཏདཱ ས ཤིཥྱཱན྄ ཛགཱད པཉྩཱཤཏ྄ པཉྩཱཤཛྫནཻཿ པཾཀྟཱིཀྲྀཏྱ ཏཱནུཔཝེཤཡཏ, ཏསྨཱཏ྄ ཏེ ཏདནུསཱརེཎ སཪྻྭལོཀཱནུཔཝེཤཡཱཔཱསུཿ།

¹⁶ཏཏཿ ས ཏཱན྄ པཉྩ པཱུཔཱན྄ མཱིནདྭཡཉྩ གྲྀཧཱིཏྭཱ སྭརྒཾ ཝིལོཀྱེཤྭརགུཎཱན྄ ཀཱིརྟྟཡཱཉྩཀྲེ བྷངྐྟཱ ཙ ལོཀེབྷྱཿ པརིཝེཥཎཱརྠཾ ཤིཥྱེཥུ སམརྤཡཱམྦབྷཱུཝ།

¹⁷ཏཏཿ སཪྻྭེ བྷུཀྟྭཱ ཏྲྀཔྟིཾ གཏཱ ཨཝཤིཥྚཱནཱཉྩ དྭཱདཤ ཌལླཀཱན྄ སཾཛགྲྀཧུཿ།

¹⁸ཨཐཻཀདཱ ནིརྫནེ ཤིཥྱཻཿ སཧ པྲཱརྠནཱཀཱལེ ཏཱན྄ པཔྲཙྪ, ལོཀཱ མཱཾ ཀཾ ཝདནྟི?

¹⁹ཏཏསྟེ པྲཱཙུཿ, ཏྭཱཾ ཡོཧནྨཛྫཀཾ ཝདནྟི; ཀེཙིཏ྄ ཏྭཱམ྄ ཨེལིཡཾ ཝདནྟི, པཱུཪྻྭཀཱལིཀཿ ཀཤྩིད྄ བྷཝིཥྱདྭཱདཱི ཤྨཤཱནཱད྄ ཨུདཏིཥྛད྄ ཨིཏྱཔི ཀེཙིད྄ ཝདནྟི།

²⁰ཏདཱ ས ཨུཝཱཙ, ཡཱུཡཾ མཱཾ ཀཾ ཝདཐ? ཏཏཿ པིཏར ཨུཀྟཝཱན྄ ཏྭམ྄ ཨཱིཤྭརཱབྷིཥིཀྟཿ པུརུཥཿ།

²¹ཏདཱ ས ཏཱན྄ དྲྀཌྷམཱདིདེཤ, ཀཐཱམེཏཱཾ ཀསྨཻཙིདཔི མཱ ཀཐཡཏ།

²²ས པུནརུཝཱཙ, མནུཥྱཔུཏྲེཎ ཝཧུཡཱཏནཱ བྷོཀྟཝྱཱཿ པྲཱཙཱིནལོཀཻཿ པྲདྷཱནཡཱཛཀཻརདྷྱཱཔཀཻཤྩ སོཝཛྙཱཡ ཧནྟཝྱཿ ཀིནྟུ ཏྲྀཏཱིཡདིཝསེ ཤྨཤཱནཱཏ྄ ཏེནོཏྠཱཏཝྱམ྄།

²³ཨཔརཾ ས སཪྻྭཱནུཝཱཙ, ཀཤྩིད྄ ཡདི མམ པཤྩཱད྄ གནྟུཾ ཝཱཉྪཏི ཏརྷི ས སྭཾ དཱམྱཏུ, དིནེ དིནེ ཀྲུཤཾ གྲྀཧཱིཏྭཱ ཙ མམ པཤྩཱདཱགཙྪཏུ།

²⁴ཡཏོ ཡཿ ཀཤྩིཏ྄ སྭཔྲཱཎཱན྄ རིརཀྵིཥཏི ས ཏཱན྄ ཧཱརཡིཥྱཏི, ཡཿ ཀཤྩིན྄ མདརྠཾ པྲཱཎཱན྄ ཧཱརཡིཥྱཏི ས ཏཱན྄ རཀྵིཥྱཏི།

²⁵ཀཤྩིད྄ ཡདི སཪྻྭཾ ཛགཏ྄ པྲཱཔྣོཏི ཀིནྟུ སྭཔྲཱཎཱན྄ ཧཱརཡཏི སྭཡཾ ཝིནཤྱཏི ཙ ཏརྷི ཏསྱ ཀོ ལཱབྷཿ?

²⁶པུན ཪྻཿ ཀཤྩིན྄ མཱཾ མམ ཝཱཀྱཾ ཝཱ ལཛྫཱསྤདཾ ཛཱནཱཏི མནུཥྱཔུཏྲོ ཡདཱ སྭསྱ པིཏུཤྩ པཝིཏྲཱཎཱཾ དཱུཏཱནཱཉྩ ཏེཛོབྷིཿ པརིཝེཥྚིཏ ཨཱགམིཥྱཏི ཏདཱ སོཔི ཏཾ ལཛྫཱསྤདཾ ཛྙཱསྱཏི།

²⁷ཀིནྟུ ཡུཥྨཱནཧཾ ཡཐཱརྠཾ ཝདཱམི, ཨཱིཤྭརཱིཡརཱཛཏྭཾ ན དྲྀཥྚཝཱ མྲྀཏྱུཾ ནཱསྭཱདིཥྱནྟེ, ཨེཏཱདྲྀཤཱཿ ཀིཡནྟོ ལོཀཱ ཨཏྲ སྠནེ྅པི དཎྜཱཡམཱནཱཿ སནྟི།

²⁸ཨེཏདཱཁྱཱནཀཐནཱཏ྄ པརཾ པྲཱཡེཎཱཥྚསུ དིནེཥུ གཏེཥུ ས པིཏརཾ ཡོཧནཾ ཡཱཀཱུབཉྩ གྲྀཧཱིཏྭཱ པྲཱརྠཡིཏུཾ པཪྻྭཏམེཀཾ སམཱརུརོཧ།

²⁹ཨཐ ཏསྱ པྲཱརྠནཀཱལེ ཏསྱ མུཁཱཀྲྀཏིརནྱརཱུཔཱ ཛཱཏཱ, ཏདཱིཡཾ ཝསྟྲམུཛྫྭལཤུཀླཾ ཛཱཏཾ།

³⁰ཨཔརཉྩ མཱུསཱ ཨེལིཡཤྩོབྷཽ ཏེཛསྭིནཽ དྲྀཥྚཽ

³¹ཏཽ ཏེན ཡིརཱུཤཱལམྤུརེ ཡོ མྲྀཏྱུཿ སཱདྷིཥྱཏེ ཏདཱིཡཱཾ ཀཐཱཾ ཏེན སཱརྡྡྷཾ ཀཐཡིཏུམ྄ ཨཱརེབྷཱཏེ།

³²ཏདཱ པིཏརཱདཡཿ སྭསྱ སངྒིནོ ནིདྲཡཱཀྲྀཥྚཱ ཨཱསན྄ ཀིནྟུ ཛཱགརིཏྭཱ ཏསྱ ཏེཛསྟེན སཱརྡྡྷམ྄ ཨུཏྟིཥྛནྟཽ ཛནཽ ཙ དདྲྀཤུཿ།

³³ཨཐ ཏཡོརུབྷཡོ རྒམནཀཱལེ པིཏརོ ཡཱིཤུཾ བབྷཱཥེ, ཧེ གུརོ྅སྨཱཀཾ སྠཱནེ྅སྨིན྄ སྠིཏིཿ ཤུབྷཱ, ཏཏ ཨེཀཱ ཏྭདརྠཱ, ཨེཀཱ མཱུསཱརྠཱ, ཨེཀཱ ཨེལིཡཱརྠཱ, ཨིཏི ཏིསྲཿ ཀུཊྱོསྨཱབྷི རྣིརྨྨཱིཡནྟཱཾ, ཨིམཱཾ ཀཐཱཾ ས ན ཝིཝིཙྱ ཀཐཡཱམཱས།

³⁴ཨཔརཉྩ ཏདྭཱཀྱཝདནཀཱལེ པཡོད ཨེཀ ཨཱགཏྱ ཏེཥཱམུཔརི ཚཱཡཱཾ ཙཀཱར, ཏཏསྟནྨདྷྱེ ཏཡོཿ པྲཝེཤཱཏ྄ ཏེ ཤཤངྐིརེ།

³⁵ཏདཱ ཏསྨཱཏ྄ པཡོདཱད྄ ཨིཡམཱཀཱཤཱིཡཱ ཝཱཎཱི ནིརྫགཱམ, མམཱཡཾ པྲིཡཿ པུཏྲ ཨེཏསྱ ཀཐཱཡཱཾ མནོ ནིདྷཏྟ།

³⁶ཨིཏི ཤབྡེ ཛཱཏེ ཏེ ཡཱིཤུམེཀཱཀིནཾ དདྲྀཤུཿ ཀིནྟུ ཏེ ཏདཱནཱིཾ ཏསྱ དརྴནསྱ ཝཱཙམེཀཱམཔི ནོཀྟྭཱ མནཿསུ སྠཱཔཡཱམཱསུཿ།

³⁷པརེ྅ཧནི ཏེཥུ ཏསྨཱཙྪཻལཱད྄ ཨཝརཱུཌྷེཥུ ཏཾ སཱཀྵཱཏ྄ ཀརྟྟུཾ བཧཝོ ལོཀཱ ཨཱཛགྨུཿ།

³⁸ཏེཥཱཾ མདྷྱཱད྄ ཨེཀོ ཛན ཨུཙྩཻརུཝཱཙ, ཧེ གུརོ ཨཧཾ ཝིནཡཾ ཀརོམི མམ པུཏྲཾ པྲཏི ཀྲྀཔཱདྲྀཥྚིཾ ཀརོཏུ, མམ ས ཨེཝཻཀཿ པུཏྲཿ།

³⁹བྷཱུཏེན དྷྲྀཏཿ སན྄ སཾ པྲསབྷཾ ཙཱིཙྪབྡཾ ཀརོཏི ཏནྨུཁཱཏ྄ ཕེཎཱ ནིརྒཙྪནྟི ཙ, བྷཱུཏ ཨིཏྠཾ ཝིདཱཪྻྱ ཀླིཥྚྭཱ པྲཱཡཤསྟཾ ན ཏྱཛཏི།

⁴⁰ཏསྨཱཏ྄ ཏཾ བྷཱུཏཾ ཏྱཱཛཡིཏུཾ ཏཝ ཤིཥྱསམཱིཔེ ནྱཝེདཡཾ ཀིནྟུ ཏེ ན ཤེཀུཿ།

⁴¹ཏདཱ ཡཱིཤུརཝཱདཱིཏ྄, རེ ཨཱཝིཤྭཱསིན྄ ཝིཔཐགཱམིན྄ ཝཾཤ ཀཏིཀཱལཱན྄ ཡུཥྨཱབྷིཿ སཧ སྠཱསྱཱམྱཧཾ ཡུཥྨཱཀམ྄ ཨཱཙརཎཱནི ཙ སཧིཥྱེ? ཏཝ པུཏྲམིཧཱནཡ།

⁴²ཏཏསྟསྨིནྣཱགཏམཱཏྲེ བྷཱུཏསྟཾ བྷཱུམཽ པཱཏཡིཏྭཱ ཝིདདཱར; ཏདཱ ཡཱིཤུསྟམམེདྷྱཾ བྷཱུཏཾ ཏརྫཡིཏྭཱ བཱལཀཾ སྭསྠཾ ཀྲྀཏྭཱ ཏསྱ པིཏརི སམརྤཡཱམཱས།

⁴³ཨཱིཤྭརསྱ མཧཱཤཀྟིམ྄ ཨིམཱཾ ཝིལོཀྱ སཪྻྭེ ཙམཙྩཀྲུཿ; ཨིཏྠཾ ཡཱིཤོཿ སཪྻྭཱབྷིཿ ཀྲིཡཱབྷིཿ སཪྻྭཻརློཀཻརཱཤྩཪྻྱེ མནྱམཱནེ སཏི ས ཤིཥྱཱན྄ བབྷཱཥེ,

⁴⁴ཀཐེཡཾ ཡུཥྨཱཀཾ ཀརྞེཥུ པྲཝིཤཏུ, མནུཥྱཔུཏྲོ མནུཥྱཱཎཱཾ ཀརེཥུ སམརྤཡིཥྱཏེ།

⁴⁵ཀིནྟུ ཏེ ཏཱཾ ཀཐཱཾ ན བུབུདྷིརེ, སྤཥྚཏྭཱབྷཱཝཱཏ྄ ཏསྱཱ ཨབྷིཔྲཱཡསྟེཥཱཾ བོདྷགམྱོ ན བབྷཱུཝ; ཏསྱཱ ཨཱཤཡཿ ཀ ཨིཏྱཔི ཏེ བྷཡཱཏ྄ པྲཥྚུཾ ན ཤེཀུཿ།

⁴⁶ཏདནནྟརཾ ཏེཥཱཾ མདྷྱེ ཀཿ ཤྲེཥྛཿ ཀཐཱམེཏཱཾ གྲྀཧཱིཏྭཱ ཏེ མིཐོ ཝིཝཱདཾ ཙཀྲུཿ།

⁴⁷ཏཏོ ཡཱིཤུསྟེཥཱཾ མནོབྷིཔྲཱཡཾ ཝིདིཏྭཱ བཱལཀམེཀཾ གྲྀཧཱིཏྭཱ སྭསྱ ནིཀཊེ སྠཱཔཡིཏྭཱ ཏཱན྄ ཛགཱད,

⁴⁸ཡོ ཛནོ མམ ནཱམྣཱསྱ བཱལཱསྱཱཏིཐྱཾ ཝིདདྷཱཏི ས མམཱཏིཐྱཾ ཝིདདྷཱཏི, ཡཤྩ མམཱཏིཐྱཾ ཝིདདྷཱཏི ས མམ པྲེརཀསྱཱཏིཐྱཾ ཝིདདྷཱཏི, ཡུཥྨཱཀཾ མདྷྱེཡཿ སྭཾ སཪྻྭསྨཱཏ྄ ཀྵུདྲཾ ཛཱནཱིཏེ ས ཨེཝ ཤྲེཥྛོ བྷཝིཥྱཏི།

⁴⁹ཨཔརཉྩ ཡོཧན྄ ཝྱཱཛཧཱར ཧེ པྲབྷེा ཏཝ ནཱམྣཱ བྷཱུཏཱན྄ ཏྱཱཛཡནྟཾ མཱནུཥམ྄ ཨེཀཾ དྲྀཥྚཝནྟོ ཝཡཾ, ཀིནྟྭསྨཱཀམ྄ ཨཔཤྩཱད྄ གཱམིཏྭཱཏ྄ ཏཾ ནྱཥེདྷཱམ྄། ཏདཱནཱིཾ ཡཱིཤུརུཝཱཙ,

⁵⁰ཏཾ མཱ ནིཥེདྷཏ, ཡཏོ ཡོ ཛནོསྨཱཀཾ ན ཝིཔཀྵཿ ས ཨེཝཱསྨཱཀཾ སཔཀྵོ བྷཝཏི།

⁵¹ཨནནྟརཾ ཏསྱཱརོཧཎསམཡ ཨུཔསྠིཏེ ས སྠིརཙེཏཱ ཡིརཱུཤཱལམཾ པྲཏི ཡཱཏྲཱཾ ཀརྟྟུཾ ནིཤྩིཏྱཱགྲེ དཱུཏཱན྄ པྲེཥཡཱམཱས།

⁵²ཏསྨཱཏ྄ ཏེ གཏྭཱ ཏསྱ པྲཡོཛནཱིཡདྲཝྱཱཎི སཾགྲཧཱིཏུཾ ཤོམིརོཎཱིཡཱནཱཾ གྲཱམཾ པྲཝིཝིཤུཿ།

⁵³ཀིནྟུ ས ཡིརཱུཤཱལམཾ ནགརཾ ཡཱཏི ཏཏོ ཧེཏོ རློཀཱསྟསྱཱཏིཐྱཾ ན ཙཀྲུཿ།

⁵⁴ཨཏཨེཝ ཡཱཀཱུབྱོཧནཽ ཏསྱ ཤིཥྱཽ ཏད྄ དྲྀཥྚྭཱ ཛགདཏུཿ, ཧེ པྲབྷོ ཨེལིཡོ ཡཐཱ ཙཀཱར ཏཐཱ ཝཡམཔི ཀིཾ གགཎཱད྄ ཨཱགནྟུམ྄ ཨེཏཱན྄ བྷསྨཱིཀརྟྟུཉྩ ཝཧྣིམཱཛྙཱཔཡཱམཿ? བྷཝཱན྄ ཀིམིཙྪཏི?

⁵⁵ཀིནྟུ ས མུཁཾ པརཱཝརྟྱ ཏཱན྄ ཏརྫཡིཏྭཱ གདིཏཝཱན྄ ཡུཥྨཱཀཾ མནོབྷཱཝཿ ཀཿ, ཨིཏི ཡཱུཡཾ ན ཛཱནཱིཐ།