ཡོཧནཿ 4:3-24

³ཡིཧཱུདཱིཡདེཤཾ ཝིཧཱཡ པུན རྒཱལཱིལམ྄ ཨཱགཏ྄།

⁴ཏཏཿ ཤོམིརོཎཔྲདེཤསྱ མདྱེན ཏེན གནྟཝྱེ སཏི

⁵ཡཱཀཱུབ྄ ནིཛཔུཏྲཱཡ ཡཱུཥཕེ ཡཱཾ བྷཱུམིམ྄ ཨདདཱཏ྄ ཏཏྶམཱིཔསྠཱཡི ཤོམིརོཎཔྲདེཤསྱ སུཁཱར྄ ནཱམྣཱ ཝིཁྱཱཏསྱ ནགརསྱ སནྣིདྷཱཝུཔཱསྠཱཏ྄།

⁶ཏཏྲ ཡཱཀཱུབཿ པྲཧིརཱསཱིཏ྄; ཏདཱ དྭིཏཱིཡཡཱམཝེལཱཡཱཾ ཛཱཏཱཡཱཾ ས མཱརྒེ ཤྲམཱཔནྣསྟསྱ པྲཧེཿ པཱརྴྭེ ཨུཔཱཝིཤཏ྄།

⁷ཨེཏརྷི ཀཱཙིཏ྄ ཤོམིརོཎཱིཡཱ ཡོཥིཏ྄ ཏོཡོཏྟོལནཱརྠམ྄ ཏཏྲཱགམཏ྄

⁸ཏདཱ ཤིཥྱཱཿ ཁཱདྱདྲཝྱཱཎི ཀྲེཏུཾ ནགརམ྄ ཨགཙྪན྄།

⁹ཡཱིཤུཿ ཤོམིརོཎཱིཡཱཾ ཏཱཾ ཡོཥིཏམ྄ ཝྱཱཧཱརྵཱིཏ྄ མཧྱཾ ཀིཉྩིཏ྄ པཱནཱིཡཾ པཱཏུཾ དེཧི། ཀིནྟུ ཤོམིརོཎཱིཡཻཿ སཱཀཾ ཡིཧཱུདཱིཡལོཀཱ ན ཝྱཝཱཧརན྄ ཏསྨཱདྡྷེཏོཿ སཱཀཐཡཏ྄ ཤོམིརོཎཱིཡཱ ཡོཥིཏདཧཾ ཏྭཾ ཡིཧཱུདཱིཡོསི ཀཐཾ མཏྟཿ པཱནཱིཡཾ པཱཏུམ྄ ཨིཙྪསི?

¹⁰ཏཏོ ཡཱིཤུརཝདད྄ ཨཱིཤྭརསྱ ཡདྡཱནཾ ཏཏྐཱིདྲྀཀ྄ པཱནཱིཡཾ པཱཏུཾ མཧྱཾ དེཧི ཡ ཨིཏྠཾ ཏྭཱཾ ཡཱཙཏེ ས ཝཱ ཀ ཨིཏི ཙེདཛྙཱསྱཐཱསྟརྷི ཏམཡཱཙིཥྱཐཱཿ ས ཙ ཏུབྷྱམམྲྀཏཾ ཏོཡམདཱསྱཏ྄།

¹¹ཏདཱ སཱ སཱིམནྟིནཱི བྷཱཥིཏཝཏི, ཧེ མཧེཙྪ པྲཧིརྒམྦྷཱིརོ བྷཝཏོ ནཱིརོཏྟོལནཔཱཏྲཾ ནཱསྟཱི ཙ ཏསྨཱཏ྄ ཏདམྲྀཏཾ ཀཱིལཱལཾ ཀུཏཿ པྲཱཔྶྱསི?

¹²ཡོསྨབྷྱམ྄ ཨིམམནྡྷཱུཾ དདཽ, ཡསྱ ཙ པརིཛནཱ གོམེཥཱདཡཤྩ སཪྻྭེ྅སྱ པྲཧེཿ པཱནཱིཡཾ པཔུརེཏཱདྲྀཤོ ཡོསྨཱཀཾ པཱུཪྻྭཔུརུཥོ ཡཱཀཱུབ྄ ཏསྨཱདཔི བྷཝཱན྄ མཧཱན྄ ཀིཾ?

¹³ཏཏོ ཡཱིཤུརཀཐཡད྄ ཨིདཾ པཱནཱིཡཾ སཿ པིཝཏི ས པུནསྟྲྀཥཱརྟྟོ བྷཝིཥྱཏི,

¹⁴ཀིནྟུ མཡཱ དཏྟཾ པཱནཱིཡཾ ཡཿ པིཝཏི ས པུནཿ ཀདཱཔི ཏྲྀཥཱརྟྟོ ན བྷཝིཥྱཏི། མཡཱ དཏྟམ྄ ཨིདཾ ཏོཡཾ ཏསྱཱནྟཿ པྲསྲཝཎརཱུཔཾ བྷཱུཏྭཱ ཨནནྟཱཡུཪྻཱཝཏ྄ སྲོཥྱཏི།

¹⁵ཏདཱ སཱ ཝནིཏཱཀཐཡཏ྄ ཧེ མཧེཙྪ ཏརྷི མམ པུནཿ པཱིཔཱསཱ ཡཐཱ ན ཛཱཡཏེ ཏོཡོཏྟོལནཱཡ ཡཐཱཏྲཱགམནཾ ན བྷཝཏི ཙ ཏདརྠཾ མཧྱཾ ཏཏྟོཡཾ དེཧཱི།

¹⁶ཏཏོ ཡཱིཤཱུརཝདདྱཱཧི ཏཝ པཏིམཱཧཱུཡ སྠཱནེ྅ཏྲཱགཙྪ།

¹⁷སཱ ཝཱམཱཝདཏ྄ མམ པཏིརྣཱསྟི། ཡཱིཤུརཝདཏ྄ མམ པཏིརྣཱསྟཱིཏི ཝཱཀྱཾ བྷདྲམཝོཙཿ།

¹⁸ཡཏསྟཝ པཉྩ པཏཡོབྷཝན྄ ཨདྷུནཱ ཏུ ཏྭཡཱ སཱརྡྡྷཾ ཡསྟིཥྛཏི ས ཏཝ བྷརྟྟཱ ན ཝཱཀྱམིདཾ སཏྱམཝཱདིཿ།

¹⁹ཏདཱ སཱ མཧིལཱ གདིཏཝཏི ཧེ མཧེཙྪ བྷཝཱན྄ ཨེཀོ བྷཝིཥྱདྭཱདཱིཏི བུདྡྷཾ མཡཱ།

²⁰ཨསྨཱཀཾ པིཏྲྀལོཀཱ ཨེཏསྨིན྄ ཤིལོཙྩཡེ྅བྷཛནྟ, ཀིནྟུ བྷཝདྦྷིརུཙྱཏེ ཡིརཱུཤཱལམ྄ ནགརེ བྷཛནཡོགྱཾ སྠཱནམཱསྟེ།

²¹ཡཱིཤུརཝོཙཏ྄ ཧེ ཡོཥིཏ྄ མམ ཝཱཀྱེ ཝིཤྭསིཧི ཡདཱ ཡཱུཡཾ ཀེཝལཤཻལེ྅སྨིན྄ ཝཱ ཡིརཱུཤཱལམ྄ ནགརེ པིཏུརྦྷཛནཾ ན ཀརིཥྱདྷྭེ ཀཱལ ཨེཏཱདྲྀཤ ཨཱཡཱཏི།

²²ཡཱུཡཾ ཡཾ བྷཛདྷྭེ ཏཾ ན ཛཱནཱིཐ, ཀིནྟུ ཝཡཾ ཡཾ བྷཛཱམཧེ ཏཾ ཛཱནཱིམཧེ, ཡཏོ ཡིཧཱུདཱིཡལོཀཱནཱཾ མདྷྱཱཏ྄ པརིཏྲཱཎཾ ཛཱཡཏེ།

²³ཀིནྟུ ཡདཱ སཏྱབྷཀྟཱ ཨཱཏྨནཱ སཏྱརཱུཔེཎ ཙ པིཏུརྦྷཛནཾ ཀརིཥྱནྟེ སམཡ ཨེཏཱདྲྀཤ ཨཱཡཱཏི, ཝརམ྄ ཨིདཱནཱིམཔི ཝིདྱཏེ ; ཡཏ ཨེཏཱདྲྀཤོ བྷཏྐཱན྄ པིཏཱ ཙེཥྚཏེ།

²⁴ཨཱིཤྭར ཨཱཏྨཱ; ཏཏསྟསྱ ཡེ བྷཀྟཱསྟཻཿ ས ཨཱཏྨནཱ སཏྱརཱུཔེཎ ཙ བྷཛནཱིཡཿ།