པྲེརིཏཱཿ 21:19-38

¹⁹ཨནནྟརཾ ས ཏཱན྄ ནཏྭཱ སྭཱིཡཔྲཙཱརཎེན བྷིནྣདེཤཱིཡཱན྄ པྲཏཱིཤྭརོ ཡཱནི ཀརྨྨཱཎི སཱདྷིཏཝཱན྄ ཏདཱིཡཱཾ ཀཐཱམ྄ ཨནུཀྲམཱཏ྄ ཀཐིཏཝཱན྄།

²⁰ཨིཏི ཤྲུཏྭཱ ཏེ པྲབྷུཾ དྷནྱཾ པྲོཙྱ ཝཱཀྱམིདམ྄ ཨབྷཱཥནྟ, ཧེ བྷྲཱཏ ཪྻིཧཱུདཱིཡཱནཱཾ མདྷྱེ བཧུསཧསྲཱཎི ལོཀཱ ཝིཤྭཱསིན ཨཱསཏེ ཀིནྟུ ཏེ སཪྻྭེ ཝྱཝསྠཱམཏཱཙཱརིཎ ཨེཏཏ྄ པྲཏྱཀྵཾ པཤྱསི།

²¹ཤིཤཱུནཱཾ ཏྭཀྪེདནཱདྱཱཙརཎཾ པྲཏིཥིདྷྱ ཏྭཾ བྷིནྣདེཤནིཝཱསིནོ ཡིཧཱུདཱིཡལོཀཱན྄ མཱུསཱཝཱཀྱམ྄ ཨཤྲདྡྷཱཏུམ྄ ཨུཔདིཤསཱིཏི ཏཻཿ ཤྲུཏམསྟི།

²²ཏྭམཏྲཱགཏོསཱིཏི ཝཱརྟྟཱཾ སམཱཀརྞྱ ཛནནིཝཧོ མིལིཏྭཱཝཤྱམེཝཱགམིཥྱཏི; ཨཏཨེཝ ཀིཾ ཀརཎཱིཡམ྄? ཨཏྲ ཝཡཾ མནྟྲཡིཏྭཱ སམུཔཱཡཾ ཏྭཱཾ ཝདཱམསྟཾ ཏྭམཱཙར།

²³ཝྲཏཾ ཀརྟྟུཾ ཀྲྀཏསངྐལྤཱ ཡེ྅སྨཱཾཀ ཙཏྭཱརོ མཱནཝཱཿ སནྟི

²⁴ཏཱན྄ གྲྀཧཱིཏྭཱ ཏཻཿ སཧིཏཿ སྭཾ ཤུཙིཾ ཀུརུ ཏཐཱ ཏེཥཱཾ ཤིརོམུཎྜནེ ཡོ ཝྱཡོ བྷཝཏི ཏཾ ཏྭཾ དེཧི། ཏཐཱ ཀྲྀཏེ ཏྭདཱིཡཱཙཱརེ ཡཱ ཛནཤྲུཏི རྫཱཡཏེ སཱལཱིཀཱ ཀིནྟུ ཏྭཾ ཝིདྷིཾ པཱལཡན྄ ཝྱཝསྠཱནུསཱརེཎེཝཱཙརསཱིཏི ཏེ བྷོཏྶནྟེ།

²⁵བྷིནྣདེཤཱིཡཱནཱཾ ཝིཤྭཱསིལོཀཱནཱཾ ནིཀཊེ ཝཡཾ པཏྲཾ ལིཁིཏྭེཏྠཾ སྠིརཱིཀྲྀཏཝནྟཿ, དེཝཔྲསཱདབྷོཛནཾ རཀྟཾ གལཔཱིཌནམཱརིཏཔྲཱཎིབྷོཛནཾ ཝྱབྷིཙཱརཤྩཻཏེབྷྱཿ སྭརཀྵཎཝྱཏིརེཀེཎ ཏེཥཱམནྱཝིདྷིཔཱལནཾ ཀརཎཱིཡཾ ན།

²⁶ཏཏཿ པཽལསྟཱན྄ མཱནུཥཱནཱདཱཡ པརསྨིན྄ དིཝསེ ཏཻཿ སཧ ཤུཙི རྦྷཱུཏྭཱ མནྡིརཾ གཏྭཱ ཤཽཙཀརྨྨཎོ དིནེཥུ སམྤཱུརྞེཥུ ཏེཥཱམ྄ ཨེཀཻཀཱརྠཾ ནཻཝེདྱཱདྱུཏྶརྒོ བྷཝིཥྱཏཱིཏི ཛྙཱཔིཏཝཱན྄།

²⁷ཏེཥུ སཔྟསུ དིནེཥུ སམཱཔྟཀལྤེཥུ ཨཱཤིཡཱདེཤནིཝཱསིནོ ཡིཧཱུདཱིཡཱསྟཾ མདྷྱེམནྡིརཾ ཝིལོཀྱ ཛནནིཝཧསྱ མནཿསུ ཀུཔྲཝྲྀཏྟིཾ ཛནཡིཏྭཱ ཏཾ དྷྲྀཏྭཱ

²⁸པྲོཙྩཻཿ པྲཱཝོཙན྄, ཧེ ཨིསྲཱཡེལློཀཱཿ སཪྻྭེ སཱཧཱཡྻཾ ཀུརུཏ། ཡོ མནུཛ ཨེཏེཥཱཾ ལོཀཱནཱཾ མཱུསཱཝྱཝསྠཱཡཱ ཨེཏསྱ སྠཱནསྱཱཔི ཝིཔརཱིཏཾ སཪྻྭཏྲ སཪྻྭཱན྄ ཤིཀྵཡཏི ས ཨེཥཿ; ཝིཤེཥཏཿ ས བྷིནྣདེཤཱིཡལོཀཱན྄ མནྡིརམ྄ ཨཱནཱིཡ པཝིཏྲསྠཱནམེཏད྄ ཨཔཝིཏྲམཀརོཏ྄།

²⁹པཱུཪྻྭཾ ཏེ མདྷྱེནགརམ྄ ཨིཕིཥནགརཱིཡཾ ཏྲཕིམཾ པཽལེན སཧིཏཾ དྲྀཥྚཝནྟ ཨེཏསྨཱཏ྄ པཽལསྟཾ མནྡིརམདྷྱམ྄ ཨཱནཡད྄ ཨིཏྱནྭམིམཏ།

³⁰ཨཏཨེཝ སཪྻྭསྨིན྄ ནགརེ ཀལཧོཏྤནྣཏྭཱཏ྄ དྷཱཝནྟོ ལོཀཱ ཨཱགཏྱ པཽལཾ དྷྲྀཏྭཱ མནྡིརསྱ བཧིརཱཀྲྀཥྱཱནཡན྄ ཏཏྐྵཎཱད྄ དྭཱརཱཎི སཪྻྭཱཎི ཙ རུདྡྷཱནི།

³¹ཏེཥུ ཏཾ ཧནྟུམུདྱཏེेཥུ ཡིརཱུཤཱལམྣགརེ མཧཱནུཔདྲཝོ ཛཱཏ ཨིཏི ཝཱརྟྟཱཡཱཾ སཧསྲསེནཱཔཏེཿ ཀརྞགོཙརཱིབྷཱུཏཱཡཱཾ སཏྱཱཾ ས ཏཏྐྵཎཱཏ྄ སཻནྱཱནི སེནཱཔཏིགཎཉྩ གྲྀཧཱིཏྭཱ ཛཝེནཱགཏཝཱན྄།

³²ཏཏོ ལོཀཱཿ སེནཱགཎེན སཧ སཧསྲསེནཱཔཏིམ྄ ཨཱགཙྪནྟཾ དྲྀཥྚྭཱ པཽལཏཱཌནཱཏོ ནྱཝརྟྟནྟ།

³³ས སཧསྲསེནཱཔཏིཿ སནྣིདྷཱཝཱགམྱ པཽལཾ དྷྲྀཏྭཱ ཤྲྀངྑལདྭཡེན བདྡྷམ྄ ཨཱདིཤྱ ཏཱན྄ པྲྀཥྚཝཱན྄ ཨེཥ ཀཿ? ཀིཾ ཀརྨྨ ཙཱཡཾ ཀྲྀཏཝཱན྄?

³⁴ཏཏོ ཛནསམཱུཧསྱ ཀཤྩིད྄ ཨེཀཔྲཀཱརཾ ཀཤྩིད྄ ཨནྱཔྲཀཱརཾ ཝཱཀྱམ྄ ཨརཽཏ྄ ས ཏཏྲ སཏྱཾ ཛྙཱཏུམ྄ ཀལཧཀཱརཎཱད྄ ཨཤཀྟཿ སན྄ ཏཾ དུརྒཾ ནེཏུམ྄ ཨཱཛྙཱཔཡཏ྄།

³⁵ཏེཥུ སོཔཱནསྱོཔརི པྲཱཔྟེཥུ ལོཀཱནཱཾ སཱཧསཀཱརཎཱཏ྄ སེནཱགཎཿ པཽལམུཏྟོལྱ ནཱིཏཝཱན྄།

³⁶ཏཏཿ སཪྻྭེ ལོཀཱཿ པཤྩཱདྒཱམིནཿ སནྟ ཨེནཾ དུརཱིཀུརུཏེཏི ཝཱཀྱམ྄ ཨུཙྩཻརཝདན྄།

³⁷པཽལསྱ དུརྒཱནཡནསམཡེ ས ཏསྨཻ སཧསྲསེནཱཔཏཡེ ཀཐིཏཝཱན྄, བྷཝཏཿ པུརསྟཱཏ྄ ཀཐཱཾ ཀཐཡིཏུཾ ཀིམ྄ ཨནུམནྱཏེ? ས ཏམཔྲྀཙྪཏ྄ ཏྭཾ ཀིཾ ཡཱུནཱནཱིཡཱཾ བྷཱཥཱཾ ཛཱནཱསི?

³⁸ཡོ མིསརཱིཡོ ཛནཿ པཱུཪྻྭཾ ཝིརོདྷཾ ཀྲྀཏྭཱ ཙཏྭཱརི སཧསྲཱཎི གྷཱཏཀཱན྄ སངྒིནཿ ཀྲྀཏྭཱ ཝིཔིནཾ གཏཝཱན྄ ཏྭཾ ཀིཾ སཨེཝ ན བྷཝསི?