1པཽལསཱིལཽ ཨཱམྥིཔལྱཱཔལློནིཡཱནགརཱབྷྱཱཾ གཏྭཱ ཡཏྲ ཡིཧཱུདཱིཡཱནཱཾ བྷཛནབྷཝནམེཀམ྄ ཨཱསྟེ ཏཏྲ ཐིཥལནཱིཀཱིནགར ཨུཔསྠིཏཽ།
2ཏདཱ པཽལཿ སྭཱཙཱརཱནུསཱརེཎ ཏེཥཱཾ སམཱིཔཾ གཏྭཱ ཝིཤྲཱམཝཱརཏྲཡེ ཏཻཿ སཱརྡྡྷཾ དྷརྨྨཔུསྟཀཱིཡཀཐཱཡཱ ཝིཙཱརཾ ཀྲྀཏཝཱན྄།
3ཕལཏཿ ཁྲཱིཥྚེན དུཿཁབྷོགཿ ཀརྟྟཝྱཿ ཤྨཤཱནདུཏྠཱནཉྩ ཀརྟྟཝྱཾ ཡུཥྨཱཀཾ སནྣིདྷཽ ཡསྱ ཡཱིཤོཿ པྲསྟཱཝཾ ཀརོམི ས ཨཱིཤྭརེཎཱབྷིཥིཀྟཿ ས ཨེཏཱཿ ཀཐཱཿ པྲཀཱཤྱ པྲམཱཎཾ དཏྭཱ སྠིརཱིཀྲྀཏཝཱན྄།
4ཏསྨཱཏ྄ ཏེཥཱཾ ཀཏིཔཡཛནཱ ཨནྱདེཤཱིཡཱ བཧཝོ བྷཀྟལོཀཱ བཧྱཿ པྲདྷཱནནཱཪྻྱཤྩ ཝིཤྭསྱ པཽལསཱིལཡོཿ པཤྩཱདྒཱམིནོ ཛཱཏཱཿ།
5ཀིནྟུ ཝིཤྭཱསཧཱིནཱ ཡིཧཱུདཱིཡལོཀཱ ཨཱིརྵྱཡཱ པརིཔཱུརྞཱཿ སནྟོ ཧཊཊྶྱ ཀཏིནཡལམྤཊལོཀཱན྄ སངྒིནཿ ཀྲྀཏྭཱ ཛནཏཡཱ ནགརམདྷྱེ མཧཱཀལཧཾ ཀྲྀཏྭཱ ཡཱསོནོ གྲྀཧམ྄ ཨཱཀྲམྱ པྲེརིཏཱན྄ དྷྲྀཏྭཱ ལོཀནིཝཧསྱ སམཱིཔམ྄ ཨཱནེཏུཾ ཙེཥྚིཏཝནྟཿ།
6ཏེཥཱམུདྡེཤམ྄ ཨཔྲཱཔྱ ཙ ཡཱསོནཾ ཀཏིཔཡཱན྄ བྷྲཱཏྲྀཾཤྩ དྷྲྀཏྭཱ ནགརཱདྷིཔཏཱིནཱཾ ནིཀཊམཱནཱིཡ པྲོཙྩཻཿ ཀཐིཏཝནྟོ ཡེ མནུཥྱཱ ཛགདུདྭཱཊིཏཝནྟསྟེ ྅ཏྲཱཔྱུཔསྠིཏཱཿ སནྟི,
7ཨེཥ ཡཱསོན྄ ཨཱཏིཐྱཾ ཀྲྀཏྭཱ ཏཱན྄ གྲྀཧཱིཏཝཱན྄། ཡཱིཤུནཱམཀ ཨེཀོ རཱཛསྟཱིཏི ཀཐཡནྟསྟེ ཀཻསརསྱཱཛྙཱཝིརུདྡྷཾ ཀརྨྨ ཀུཪྻྭཏི།
8ཏེཥཱཾ ཀཐཱམིམཱཾ ཤྲུཏྭཱ ལོཀནིཝཧོ ནགརཱདྷིཔཏཡཤྩ སམུདྭིགྣཱ ཨབྷཝན྄།
9ཏདཱ ཡཱསོནསྟདནྱེཥཱཉྩ དྷནདཎྜཾ གྲྀཧཱིཏྭཱ ཏཱན྄ པརིཏྱཀྟཝནྟཿ།
10ཏཏཿ པརཾ བྷྲཱཏྲྀགཎོ རཛནྱཱཾ པཽལསཱིལཽ ཤཱིགྷྲཾ བིརཡཱནགརཾ པྲེཥིཏཝཱན྄ ཏཽ ཏཏྲོཔསྠཱཡ ཡིཧཱུདཱིཡཱནཱཾ བྷཛནབྷཝནཾ གཏཝནྟཽ།
11ཏཏྲསྠཱ ལོཀཱཿ ཐིཥལནཱིཀཱིསྠལོཀེབྷྱོ མཧཱཏྨཱན ཨཱསན྄ ཡཏ ཨིཏྠཾ བྷཝཏི ན ཝེཏི ཛྙཱཏུཾ དིནེ དིནེ དྷརྨྨགྲནྠསྱཱལོཙནཱཾ ཀྲྀཏྭཱ སྭཻརཾ ཀཐཱམ྄ ཨགྲྀཧླན྄།
12ཏསྨཱད྄ ཨནེཀེ ཡིཧཱུདཱིཡཱ ཨནྱདེཤཱིཡཱནཱཾ མཱནྱཱ སྟྲིཡཿ པུརུཥཱཤྩཱནེཀེ ཝྱཤྭསན྄།
13ཀིནྟུ བིརཡཱནགརེ པཽལེནེཤྭརཱིཡཱ ཀཐཱ པྲཙཱཪྻྱཏ ཨིཏི ཐིཥལནཱིཀཱིསྠཱ ཡིཧཱུདཱིཡཱ ཛྙཱཏྭཱ ཏཏྶྠཱནམཔྱཱགཏྱ ལོཀཱནཱཾ ཀུཔྲཝྲྀཏྟིམ྄ ཨཛནཡན྄།
14ཨཏཨེཝ ཏསྨཱཏ྄ སྠཱནཱཏ྄ སམུདྲེཎ ཡཱནྟཱིཏི དརྴཡིཏྭཱ བྷྲཱཏརཿ ཀྵིཔྲཾ པཽལཾ པྲཱཧིཎྭན྄ ཀིནྟུ སཱིལཏཱིམཐིཡཽ ཏཏྲ སྠིཏཝནྟཽ།
15ཏཏཿ པརཾ པཽལསྱ མཱརྒདརྴཀཱསྟམ྄ ཨཱཐཱིནཱིནགར ཨུཔསྠཱཔཡན྄ པཤྩཱད྄ ཡུཝཱཾ ཏཱུརྞམ྄ ཨེཏཏ྄ སྠཱནཾ ཨཱགམིཥྱཐཿ སཱིལཏཱིམཐིཡཽ པྲཏཱིམཱམ྄ ཨཱཛྙཱཾ པྲཱཔྱ ཏེ པྲཏྱཱགཏཱཿ།