யோஹந​: 21:2-19

²ஸி²மோந்பிதர​: யமஜதோ²மா கா³லீலீயகாந்நாநக³ரநிவாஸீ நித²நேல் ஸிவதே³​: புத்ராவந்யௌ த்³வௌ ஸி²ஷ்யௌ சைதேஷ்வேகத்ர மிலிதேஷு ஸி²மோந்பிதரோ(அ)கத²யத் மத்ஸ்யாந் த⁴ர்தும்ʼ யாமி|

³ததஸ்தே வ்யாஹரந் தர்ஹி வயமபி த்வயா ஸார்த்³த⁴ம்ʼ யாம​: ததா³ தே ப³ஹிர்க³தா​: ஸந்த​: க்ஷிப்ரம்ʼ நாவம் ஆரோஹந் கிந்து தஸ்யாம்ʼ ரஜந்யாம் ஏகமபி ந ப்ராப்நுவந்|

⁴ப்ரபா⁴தே ஸதி யீஸு²ஸ்தடே ஸ்தி²தவாந் கிந்து ஸ யீஸு²ரிதி ஸி²ஷ்யா ஜ்ஞாதும்ʼ நாஸ²க்நுவந்|

⁵ததா³ யீஸு²ரப்ருʼச்ச²த், ஹே வத்ஸா ஸந்நிதௌ⁴ கிஞ்சித் கா²த்³யத்³ரவ்யம் ஆஸ்தே? தே(அ)வத³ந் கிமபி நாஸ்தி|

⁶ததா³ ஸோ(அ)வத³த் நௌகாயா த³க்ஷிணபார்ஸ்²வே ஜாலம்ʼ நிக்ஷிபத ததோ லப்ஸ்யத்⁴வே, தஸ்மாத் தை ர்நிக்ஷிப்தே ஜாலே மத்ஸ்யா ஏதாவந்தோ(அ)பதந் யேந தே ஜாலமாக்ருʼஷ்ய நோத்தோலயிதும்ʼ ஸ²க்தா​:|

⁷தஸ்மாத்³ யீஸோ²​: ப்ரியதமஸி²ஷ்ய​: பிதராயாகத²யத் ஏஷ ப்ரபு⁴ ர்ப⁴வேத், ஏஷ ப்ரபு⁴ரிதி வாசம்ʼ ஸ்²ருத்வைவ ஸி²மோந் நக்³நதாஹேதோ ர்மத்ஸ்யதா⁴ரிண உத்தரீயவஸ்த்ரம்ʼ பரிதா⁴ய ஹ்ரத³ம்ʼ ப்ரத்யுத³லம்ப²யத்|

⁸அபரே ஸி²ஷ்யா மத்ஸ்யை​: ஸார்த்³த⁴ம்ʼ ஜாலம் ஆகர்ஷந்த​: க்ஷுத்³ரநௌகாம்ʼ வாஹயித்வா கூலமாநயந் தே கூலாத்³ அதிதூ³ரே நாஸந் த்³விஸ²தஹஸ்தேப்⁴யோ தூ³ர ஆஸந் இத்யநுமீயதே|

⁹தீரம்ʼ ப்ராப்தைஸ்தைஸ்தத்ர ப்ரஜ்வலிதாக்³நிஸ்தது³பரி மத்ஸ்யா​: பூபாஸ்²ச த்³ருʼஷ்டா​:|

¹⁰ததோ யீஸு²ரகத²யத்³ யாந் மத்ஸ்யாந் அத⁴ரத தேஷாம்ʼ கதிபயாந் ஆநயத|

¹¹அத​: ஸி²மோந்பிதர​: பராவ்ருʼத்ய க³த்வா ப்³ருʼஹத்³பி⁴ஸ்த்ரிபஞ்சாஸ²த³தி⁴கஸ²தமத்ஸ்யை​: பரிபூர்ணம்ʼ தஜ்ஜாலம் ஆக்ருʼஷ்யோத³தோலயத் கிந்த்வேதாவத்³பி⁴ ர்மத்ஸ்யைரபி ஜாலம்ʼ நாசி²த்³யத|

¹²அநந்தரம்ʼ யீஸு²ஸ்தாந் அவாதீ³த் யூயமாக³த்ய பு⁴ம்ʼக்³த்⁴வம்ʼ; ததா³ ஸஏவ ப்ரபு⁴ரிதி ஜ்ஞாதத்வாத் த்வம்ʼ க​:? இதி ப்ரஷ்டும்ʼ ஸி²ஷ்யாணாம்ʼ கஸ்யாபி ப்ரக³ல்ப⁴தா நாப⁴வத்|

¹³ததோ யீஸு²ராக³த்ய பூபாந் மத்ஸ்யாம்ʼஸ்²ச க்³ருʼஹீத்வா தேப்⁴ய​: பர்ய்யவேஷயத்|

¹⁴இத்த²ம்ʼ ஸ்²மஸா²நாது³த்தா²நாத் பரம்ʼ யீஸு²​: ஸி²ஷ்யேப்⁴யஸ்த்ருʼதீயவாரம்ʼ த³ர்ஸ²நம்ʼ த³த்தவாந்|

¹⁵போ⁴ஜநே ஸமாப்தே ஸதி யீஸு²​: ஸி²மோந்பிதரம்ʼ ப்ருʼஷ்டவாந், ஹே யூநஸ​: புத்ர ஸி²மோந் த்வம்ʼ கிம் ஏதேப்⁴யோதி⁴கம்ʼ மயி ப்ரீயஸே? தத​: ஸ உதி³தவாந் ஸத்யம்ʼ ப்ரபோ⁴ த்வயி ப்ரீயே(அ)ஹம்ʼ தத்³ ப⁴வாந் ஜாநாதி; ததா³ யீஸு²ரகத²யத் தர்ஹி மம மேஷஸா²வகக³ணம்ʼ பாலய|

¹⁶தத​: ஸ த்³விதீயவாரம்ʼ ப்ருʼஷ்டவாந் ஹே யூநஸ​: புத்ர ஸி²மோந் த்வம்ʼ கிம்ʼ மயி ப்ரீயஸே? தத​: ஸ உக்தவாந் ஸத்யம்ʼ ப்ரபோ⁴ த்வயி ப்ரீயே(அ)ஹம்ʼ தத்³ ப⁴வாந் ஜாநாதி; ததா³ யீஸு²ரகத²யத தர்ஹி மம மேஷக³ணம்ʼ பாலய|

¹⁷பஸ்²சாத் ஸ த்ருʼதீயவாரம்ʼ ப்ருʼஷ்டவாந், ஹே யூநஸ​: புத்ர ஸி²மோந் த்வம்ʼ கிம்ʼ மயி ப்ரீயஸே? ஏதத்³வாக்யம்ʼ த்ருʼதீயவாரம்ʼ ப்ருʼஷ்டவாந் தஸ்மாத் பிதரோ து³​:கி²தோ பூ⁴த்வா(அ)கத²யத் ஹே ப்ரபோ⁴ ப⁴வத​: கிமப்யகோ³சரம்ʼ நாஸ்தி த்வய்யஹம்ʼ ப்ரீயே தத்³ ப⁴வாந் ஜாநாதி; ததோ யீஸு²ரவத³த் தர்ஹி மம மேஷக³ணம்ʼ பாலய|

¹⁸அஹம்ʼ துப்⁴யம்ʼ யதா²ர்த²ம்ʼ கத²யாமி யௌவநகாலே ஸ்வயம்ʼ ப³த்³த⁴கடி ர்யத்ரேச்சா² தத்ர யாதவாந் கிந்த்வித​: பரம்ʼ வ்ருʼத்³தே⁴ வயஸி ஹஸ்தம்ʼ விஸ்தாரயிஷ்யஸி, அந்யஜநஸ்த்வாம்ʼ ப³த்³த்⁴வா யத்ர க³ந்தும்ʼ தவேச்சா² ந ப⁴வதி த்வாம்ʼ த்⁴ருʼத்வா தத்ர நேஷ்யதி|

¹⁹ப²லத​: கீத்³ருʼஸே²ந மரணேந ஸ ஈஸ்²வரஸ்ய மஹிமாநம்ʼ ப்ரகாஸ²யிஷ்யதி தத்³ போ³த⁴யிதும்ʼ ஸ இதி வாக்யம்ʼ ப்ரோக்தவாந்| இத்யுக்தே ஸதி ஸ தமவோசத் மம பஸ்²சாத்³ ஆக³ச்ச²|