9गे अल्से, गेना सम्म इप्शा बाक्नेवे? गेना निन्द्रा रे सेंसीशा बोक्नेवे?
10याम का ङा निन्द्रा पतीके, याम का ङा मुकु जिशा बाक्तीके नु याम का कुचुमी गुइ वोइश्शा, नाइश्शा बाक्तीकेमी, हितोपदेस २४:३३-३४
11प्रुङग दुम्तीके खुइ खोदेंशो पा जाक्ब। इन मार मार माल्तीके या कुरशो लडाइ पाइब खोदेंशो पा जाक्ब।
12हिंचा ङा मरिम्शो पाइब नु शोर गाक्शो मुर हेंथे लोव़ पा गाक्नीम। हितोपदेस १०:३१-३२
13मिक्च रिक्शा, खोइलीमी चाल पा, ब्रेप्चोमी यो चाल पाइनीम। हितोपदेस १०:१०
14मेको आन दूली थुंमी मरिम्शो मिम्नीम। मेकोपुकीमी गेना हना यो मुर आन कली जिपाइक्नीम।
15मोपतीके मेको आन मतुइक्चा ङा पा मेको आन तार श्येत जाक्ब। मिनु मारेइ पचा मतथु, खतम दुम्नीम।
16परमप्रभु यावेमी ६ ओटा थोव़क काइ मदाक्ब। ७ ओटा थोव़क पशो तशा ग्रांग्रा दीब।