2गे इ लोव़मी फ्रेंसीशो बाक्ते हना, गे ग्रुम्चशो बाक्नेवे।
3मुल मार पचा माल्नेवे देंशा हना, गे आंम कली प्रोनो। मारदे हना गे इ नेक्था ङा मुर आ गुइमी बाक्नेवे। मेको कली नमो सिमो पा आ ङोंइती बाप्पो।
4इप्शा मबाक्को। काइ निन्द्रा मपावो।
5किश्श सिखारी आ गुइ रे ब्रोंइशो नु चिक्ब ग्याइक्ब आ गुइ रे बेरशो खोदेंशो पा, गे यो आंम कली प्रोनो।
6गे अल्से, रकमिक्च आन कली कोव़ङो। आन पशो कोव़ङो। मिनु जोक्ब तुइक्ब दुमो। हितोपदेस १०:४; हितोपदेस २०:४
7मेको आन कली अरेब, सासन पाइब नु हुकुम पाइब मबाक्तेक्म हना यो,
8मेकोपुकीमी जचा थोव़क खेक्चा कली खुप्ची ना खुप्नीम।
9गे अल्से, गेना सम्म इप्शा बाक्नेवे? गेना निन्द्रा रे सेंसीशा बोक्नेवे?
10याम का ङा निन्द्रा पतीके, याम का ङा मुकु जिशा बाक्तीके नु याम का कुचुमी गुइ वोइश्शा, नाइश्शा बाक्तीकेमी, हितोपदेस २४:३३-३४
11प्रुङग दुम्तीके खुइ खोदेंशो पा जाक्ब। इन मार मार माल्तीके या कुरशो लडाइ पाइब खोदेंशो पा जाक्ब।
हितोपदेस 6
हितोपदेस 6:2-11