5मरिम्शो मुरपुकीमी निसाफ पतीके मार बाक्बा, दे मरुप्नीम। तन्न परमप्रभु यावे आ देंशो पचा दाक्बपुकीमी नेल्ल रिम्शो पा रुप्नीम।
6हेंथे गाक्ब, थुं निक्शी पाइश्शो नु शुश क्येट थीब मुर दुम्चा क्येङा रिम्शो थुं पाइश्शो ठीक लां गाक्ब प्रुङग मुर दुम्चा रिम्शो बाक्ब। हितोपदेस १९:१
7सुमी परमप्रभु यावे आ अरेशो टीबा, मेको जोक्ब तुइक्ब तौ बाक्ब। सु चहिं शुश जाइब नु दुक्ब मुर आ वारच दुम्बा, मेकोमी आ आफ कली मुने तोक्ब।
8सुम आ क्येट मुर कली शुश चाइक्ब ताक्चा कली गेबा, मेको आ क्येट प्रुङग आन कली शिशी पाइब मुर कली हेक्ब।
9सुमी परमप्रभु यावे आ अरेशो लोव़ नेंशा मटीबा, मेको आ परमप्रभु कली पुंइतीक लोव़ यो ग्रांग्रा दिशो बाक्ब। हितोपदेस १५:८