18सुमी फोव़शी रवा खाल पाइबा, मेकोमी फल जचा ताइब। सुम आ होव़प कली रिम्शो पा कोव़बा, मेको मान पाइक्चा पुंइसीब।
19दोपा ब्वाक्कुम कुल तांइसीबा, मोपा मुर आ थुं दोदेंशो बाक्बा, मेको अर्कोम तुइक्बा।
20बेक्शो मुर आन बाक्तीके नु जाम्शा लतीके गेनायो मरूशो खोदेंशो पा, मुर आ मिक्च यो गेनायो मरूब। उपदेसक १:८
21चांदी यपाइक्चा कली गारचा ङा ग्योंब नु सुन यपाइक्चा कली यो गारचा ङा ग्योंब माल्शो खोदेंशो पा, मुर आ पतीक अर्को मुर आन ठेयब सेल्तीक रे पा तुंइसीब।
22मूर्ख कली अन्न नु चुम्लुम वोइश्शा तूलीमी चुशा हना यो, आ मूर्खे पचा गेनायो मग्रूब।
23इ क्यारश भेडा दोदेंशो तांइसीनीमी रिम्शो पा कोव़ङो। इ बी ब्यफ आन कली होस पा कोव़ङो।
24मारदे हना शोंप गेना हना यो मलीब। सिरपेच यो नेल्ल पाला कली मलीब।
25घांस जाम्शा लाइब। मिनु नक कोच्वा दाप्ब। मिनु पहाड रे घांस खुप्नीमी,
26पाठा आ ऊन इन कली वा फेक्चा दुम्ब। बोका लेयशा रू ग्याप्ने चाप्नीनी।