5मोपा पिप आ ङोंइती रे परमप्रभु यावे आ अरेशो मटीब आन कली तिलीन। मिनु पिप आ हुकुम पतीके बोल्यो दुम्ब। हितोपदेस १६:१२
6पिप आ ङोंइती आंम कली ठेयब मसेलो। मिनु पिप आ ठेयब गेय पाइब आन बाक्तीक लचा ममालो।
7मारदे हना ठेयब आन दातेमी इ कली “याक्सो”, माइक्चा पुंइसीचा क्येङा “एक कुने, निस्सीन” दे ब्रेश्शो रिम्शो बाक्ब।
8गे मार मरिम्शो ताप्तीवी हना यो, रीब पा निसाफ पतीकेमी मलावो। मारदे हना इ नेक्था ङा मुरुम इ कली मुने तोक्ते हना, मार पाइनेवे। लूका १४:७-११
9गे इ नेक्था ङा मुर नु आंमा रीब पा लोव़ पावो। मेको मुर आ मरिम्शो पशो मफ्रावो। हितोपदेस २०:१९
10मिनु इ फ्रशो लोव़ नेंबमी इ कली मुने तोक्ङे। मिनु इ नें गेना हना यो मरिम्शो लीब।
11रिम्शो गारचा ङा लोव़ पशोनु, चांदी के थालम वोइश्शो सुन के स्याउ खोदेंशो बाक्ब। हितोपदेस १५:२३
12जोक्ब तुइक्ब मुर आ हुइक्तीक लोव़ नेंब मुर कली सुन के औंठी नु गहना खोदेंशो बाक्ब।
13थमा लोव़ क्याक्ब मुर, आ होव़प कली हुप्शो नाक्त अन्न रुप्ची ना ङा फुं खोदेंशो पा रिम्शो बाक्ब। मेको लोव़म आ होव़प आ थुं बारपाइक्ब।
14सु मुरुमी मारेइ मगेथु, गेता, दे ठेयब लोव़ पाइबा, मेको मुर रेउ मयिपाइक्ब गोस्स नु फश खोदेंशो बाक्ब।
15फाल्तीकेमी हुकुम कली बिप्पाइक्ने चाप्नीम। ब्रोव़शो लोव़मी रुश जिक्ने चाप्ब। हितोपदेस १५:१
16खुदो थित्तीवी हना, शुश मजावो, इ कली गाप्चा ङा पा जावो। मारदे हना शुश जाप्तीवी हना, मेचा कुइक्ब।
17इ नेक्था ङा मुर आ खिं शुश मलावो। मारदे हना मेकोमी इ कली शुश जाक्शो तशा ब्रीब।
हितोपदेस 25
हितोपदेस 25:5-17