हितोपदेस 24:24-30

²⁴सुमी पाप पाइब कली “गे ठीक पाइब बाक्‍नीनी” देंबा, जात जात ङा मुरपुकीमी मेको कली सराप पाइनीम। रागी रागी ङा मुरपुकी मेको आ पर्बम ग्रांग्रा दीनीम।

²⁵तन्‍न सुमी मरिम्‍शो पाइब कली अरे‍बा, मेको ग्‍येरसीनीम। मिनु मेको शुश आसीक ताइनीम।

²⁶थमा लोव़ लेत्‍चा, मुर कली पुक्‍पु पशो खोदेंशो बाक्‍ब। हितोपदेस १५:२३

²⁷ङोंइती इ लाङगा ङा गेय थुमो। इ रूमी मार मार शोक्‍को। मिनु नोले इ खिं सेलो।

²⁸गे इ नेक्‍था ङा मुरुम मारेइ मपथु, मेको आ पर्बम सांकछी मबाक्‍को। गे जोल मपावो। प्रस्‍थान २०:१६

²⁹गे “मेकोम आं कली मार पवा, मेको कली यो मोदेंशोन पाइनुङ। गो मेको कली क्‍येक्‍क लेत्‍नुङ” मदेनो। हितोपदेस २०:२२

³⁰गो अल्‍से मुर का आ रू रे पा लती। निप्‍स मपाइश्शो मुर आ अङगुर रू रे पा कोव़ना कोव़न लती।