2मुरुमी आंम कली गेना हना यो “ठीक पाता” दे मिम्नीम। तन्न परमप्रभु यावेमी मुर आन थुं नाक्ब।
3परमप्रभु यावे आ ङोंइती मार मार चढ़ेचा क्येङा ठीक पतीके नु रिम्शो निसाफ पतीके आ दाक्शा ब्रतीक बाक्ब। १सामुएल १५:२२; होसे ६:६
4ठेयब लेश्शो नु बोरशो मुर दुम्चा, परमप्रभु यावे आ अरेशो मटीब आन छेङछेङ बाक्ब। मेको पाप बाक्ब।
5शुश गेय पाइब आन मिम्तीकेमी सोशा बोशा ग्येत्थ लां खोइक्पाइक्ब। तन्न रीब पा ममिम्थु गेय पाइब मुर प्रुङग दुम्ब।
6जोल पा शुश शोंप चेम्तीके फशेमी योल्शा जाम्शो कुन खोदेंशो बाक्ब। मोदेंशो पाइबपुकी साइक्चा पुंइसीनीम।
7परमप्रभु यावे आ अरेशो मटीब आन हुश ख्राक्श पोक्तीकेमी साइक्चा पुंइसीनीम। मारदे हना मेकोपुकीमी मार ठीक बाक्मे, मेको पचा मबित्नीम।
8दोस ताइब मुर आन लां हिरशो बाक्ब। दोस मताइब मुर आन पतीक चहिं ठीक बाक्ब।
9गेना हना यो जिचा पोक्ब मीश नु ठेयब खिंम बाक्चा क्येङा, तला ङा कुना कामी बाक्चा रिम्शो बाक्ब।
10परमप्रभु यावे आ अरेशो मटीबपुकीमी मरिम्शो ला पचा दाक्नीम। मेकोपुकीमी आन नेक्था ङा मुर आन कली यो शिशी मपाइनीम।
हितोपदेस 21
हितोपदेस 21:2-10