23परमप्रभु यावे कली मान पा हिंचा ब्रोंइतीक बाक्ब। मो दुम्त हना, गे महिंथु, श्येत मजथु बाक्नीनी।
24अल्सेपुकीमी आन गुइ खमेम ख्रुम्नीम। तन्न आन गुइ शोव़ सम्म मचाक्नीम। हितोपदेस २६:१५
25शुक्शी पाइब आन कली तुप्शोनु, मारेइ मजोक्बपुकी होस पा बाक्चा शेंसीनीम। निप्स पाइश्शो मुर कली हुइश्शोनु, मेको क्येङा जोक्ब दुम्ब। हितोपदेस २१:११
26सुमी आ आफ कली श्येत गेबा नु आ आम कली खेरबा, मेको ग्रांग्रा दिशो नु मुने तोक्ब तौ बाक्ब।